UDutheronomi 30:9 - iBhayibhili Elingcwele 1978

⁹ INkosi izakuliphumelelisa kakhulu emisebenzini yonke yezandla zenu, enzalweni yezisu zenu, lenzalweni yenkomo zenu, lezithelweni zomhlaba wenu; ngoba iNkosi izakuthaba futhi ngokuliphumelelisa, njengalokhu yayithaba ngokhokho benu,

IBhayibhili Elingcwele LesiNdebele

⁹ Ngakho uThixo uNkulunkulu wenu uzaliphumelelisa kakhulu kuyo yonke imisebenzi yezandla zenu njalo alibusise ngenzalo langamazinyane ezifuyo zenu lamabele amasimu enu. UThixo uzathokoza ngani njalo aliphumelelise, njengoba wathokoza ngokhokho benu,

UDutheronomi 30:9 Mawu Ofanana

U-Isaya 62:4

Kawusayikubizwa ngokuthi ngoTshiyiweyo, lelizwe lakini kalisayikuthiwa ngoLahliweyo; kodwa uzakubizwa ngokuthi yiNtokozo yami, lelizwe lakini ngokuthi ngoWendileyo; ngoba iNkosi iyathokoza ngawe, lelizwe lakini libe ngelayo.

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

U-Isaya 65:19

Ngizathokoza ngeJerusalema, ngijabule ngabantu bami; kakusayikuzwakala kulo ilizwi lokukhala lelizwi lokulila.

UJeremiya 31:27

Khangela, insuku ziyeza, kutsho iNkosi, lapho ngizahlanyela indlu kaIsrayeli lendlu kaJuda ngenhlanyelo yabantu lenhlanyelo yenyamazana.

UJeremiya 31:28

Kuzakuthi njengalokho ngibalindile ukuba ngisiphune lokuba ngidilize lokuba ngichithe lokuba ngibhubhise, ngilethe okubi, ngokunjaloke sengizakubalinda ukuba ngakhe, ngihlanyele, kutsho iNkosi.

UJeremiya 32:41

Ngizathokoza ngokubenzela okuhle, ngibagxumeke ngobuqotho kulelilizwe ngayo yonke inhliziyo yami langawo wonke umoya wami.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

ULevi 26:4

ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

ULevi 26:6

Ngizakulinika ukuthula elizweni, lilale lingethuswa muntu, ngisuse inyamazana ezimbi elizweni, lempi kayiyikuhlasela elizweni lakini.

UZefaniya 3:17

INkosi uNkulunkulu wakho iphakathi kwakho, injengeqhawe elinqobayo; izajabula ngawe ngentokozo, ikuvuselele ngothando lwayo, ithabe ngawe ngokuhlabelela

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

UJohane 15:11

Lezizinto ngizikhulume kini, ukuze ukuthokoza kwami kube kini lokuze ukuthokoza kwenu kugcwale.

UDutheronomi 28:4

Kuzakubusiswa inzalo yenu, lezithelo zomhlaba wenu, lenzalo yezifuyo zenu, lokwanda kwenkomo zenu lezimvu zenu.

UDutheronomi 28:63

Njengalokhu iNkosi ibithaba ngokulenzela okuhle langokulandisa, ngokunjalo izakujabula ngokulichitha langokulibhubhisa, lisuswe elizweni elingena kulo ukulithumba.

UDutheronomi 30:8

Lizabuya lilalele ilizwi leNkosi, ligcine yonke imilayo yayo engililaya yona lamuhla.

UDutheronomi 7:14

Lizakubusiswa kakhulu kulazo zonke izizwe; kakuyikuba khona phakathi kwenu owesilisa lowesifazana oyinyumba, loba inyumbakazi phakathi kwenkomo zenu.