UDutheronomi 30:7 - iBhayibhili Elingcwele 1978

⁷ INkosi uNkulunkulu wenu izakwehlisela zonke iziqalekiso lezi phezu kwezitha zenu labafo benu ababelizingela.

IBhayibhili Elingcwele LesiNdebele

⁷ UThixo uNkulunkulu wenu uzakwehlisela zonke leziziqalekiso phezu kwezitha zenu ezilizondayo lezilihlukuluzayo.

UDutheronomi 30:7 Mawu Ofanana

U-Eksodasi 23:22

Kodwa uba ulalela ilizwi laso, wenze konke engikutshoyo, ngizakuba yisitha sezitha zakho, ngiphambane labaphambana lawe.

U-Isaya 10:12

Kuzakuthi lapho iNkosi isiqedile wonke umsebenzi wayo entabeni yaseZiyone laseJerusalema, itshaye inkosi yaseAsiriya ngenxa yokuzikhukhumeza lokuzigqaja kwayo.

UJeremiya 25:29

Ngoba sengiqalile ukwenza okubi emzini lapho ibizo lami lidunyiselwa khona; lizayekelwa ukutshaywa na? Atshi, kaliyikuyekelwa, ngoba ngibiza impi ezabehlela bonke abakhileyo emhlabeni, kutsho iNkosi.

UJeremiya 30:16

Ngalokhoke bonke abakudlayo bazakudliwa, lezitha zakho zonke zizathunjwa, labakuphangayo bazakuphangwa, labo bonke abakwamukayo bazakwamukwa.

UHezekhiyeli 25:12

INkosi uNkulunkulu ithi: Ngoba iEdoma liphindisele koJuda, lonile kakhulu ngokuphindisela kwalo,

UHezekhiyeli 25:15

INkosi uNkulunkulu ithi: Ngoba amaFilistiya ephindisele, aphindisela ezitheni ngolunya langenzondo engapheliyo, bazama ngamandla wonke ukuzichitha,

UHezekhiyeli 25:3

Uthi kuwo: Zwanini ilizwi leNkosi uNkulunkulu; ithi: Ngoba lathi: Iya! nxa libona indlu yami engcwele ingcoliswa, lelizwe lakoIsrayeli lichitheka, loJuda ethunjwa,

UHezekhiyeli 25:6

INkosi uNkulunkulu ithi: Ngoba uqakezile izandla zakho, wagida ngenyawo zakho, wathokoza ugcwele umona ngelizwe lakoIsrayeli,

UHezekhiyeli 25:8

INkosi uNkulunkulu ithi: Ngoba iMowabi lathi: UJuda uyafana nje lazo zonke ezinye izizwe;

uAmosi 1:11

INkosi ithi: Ngenxa yeziphambeko ezinengi zamaEdoma kangiyikuwayekela, ngoba axotshana labafowabo ngomkhonto, aswela isihawu, lolaka lwawo lwavutha njalonjalo, ahlala ethukuthela kokuphela.

uAmosi 1:13

INkosi ithi: Ngenxa yeziphambeko ezinengi zamaAmoni kangiyikuwayekela, ngoba aqhaqha abesifazana abakhulelwayo eGileyadi, ukuba andise ilizwe labo.

uAmosi 1:3

INkosi ithi: Ngenxa yeziphambeko ezinengi zabaseDamaseko kangiyikubayekela, ngoba babhula iGileyadi ngembulo zensimbi.

uAmosi 1:6

INkosi ithi: Ngenxa yeziphambeko ezinengi zabaseGaza kangiyikubayekela, ngoba bathumba isizwe sonke ukuba basinikele kuEdoma.

uAmosi 1:9

INkosi ithi: Ngenxa yeziphambeko ezinengi zabaseTire kangiyikubayekela, ngoba banikela isizwe sonke kuEdoma, kabaze bakhumbula isivumelwano sobuzalwane.

uObadiya 1:10

Ngenxa yesihluku esenziwa kumfowenu uJakobe uzabanjwa zinhloni, uchithwe uphele nya.

UZakhariya 12:3

Ngalolosuku ngizakwenza iJerusalema libe njengelitshe elisindayo kubo bonke abantu; bonke abalithwalayo bazazilimaza kakhulu; lazo zonke izizwe zomhlaba zizalihlanganyela.

AmaNani 24:14

Khangela, ngiyabuyela kwabakithi; woza ngikutshele ukuthi lababantu bazakwenzani ebantwini bakini ensukwini ezizayo.

AmaNani 24:9

Waqutha, walala phansi njengesilwane, njengesilwane esisikazi; ngubani olesibindi sokumvusa na? Kababusiswe bonke abakubusisayo, baqalekiswe bonke abakuqalekisayo!

UDutheronomi 30:8

Lizabuya lilalele ilizwi leNkosi, ligcine yonke imilayo yayo engililaya yona lamuhla.

UDutheronomi 7:15

INkosi izakuqeda phakathi kwenu zonke izifo; kayiyikulehlisela izifo ezimbi zaseGibithe elizaziyo, kodwa izakuzehlisela phezu kwabo bonke abantu abalizondayo.