UDutheronomi 30:3 - iBhayibhili Elingcwele 1978

³ INkosi uNkulunkulu wenu izalihawukela, ibuyise abathunjiweyo benu, ilibuthe futhi ebantwini lapho iNkosi uNkulunkulu wenu elihlakazele khona.

IBhayibhili Elingcwele LesiNdebele

³ kulapho uThixo uNkulunkulu wenu ezabuyisela ukuphumelela kwenu abe lozwelo kini njalo alibuthe yena lapho alihlakazela khona ezizweni.

UDutheronomi 30:3 Mawu Ofanana

UGenesisi 28:15

Khangela, ngizakuba lawe ngikulondoloze lapha uya khona, ngikubuyise futhi kulelilizwe; ngoba kangizukukutshiya ngize ngikwenze lokho engikhulume ngakho kuwe.

UGenesisi 48:21

UIsrayeli wathi kuJosefa: Khangela, mina ngiyafa; kodwa uNkulunkulu uzakuba lawe, akubuyisele elizweni laboyihlo.

1 ImiLando 16:35

Lithi futhi: Sikhulule, Nkulunkulu mkhululi wethu, usibuthe usikhulule phakathi kwezizwe, ukuba sibonge ibizo lakho elingcwele, sithabe ekukudumiseni.

UNehemiya 1:9

kodwa uba libuya kimi, lilondoloza imilayo yami liyenze, lanxa abachithiweyo benu besemaphethelweni omhlaba, ngizababutha lapho ngibabuyise endaweni engiyikhethele ukuba ibizo lami lidunyiselwe kiyo.

UJobe 42:10

INkosi yabuya yamphumelelisa uJobe lapho esekhulekele abangane bakhe, yamnika okuphindwe kabili kulokho ayelakho kuqala.

AmaHubo 107:3

yababutha emazweni, empumalanga lasentshonalanga, enyakatho laseningizimu.

AmaHubo 147:2

INkosi iyalakha iJerusalema, iqoqe bonke abahlakazekileyo bakoIsrayeli.

U-Isaya 27:12

Kuzakuthi ngalolosuku iNkosi ibhule amabele, kusukela emfuleni iYufrathi kuze kube semfuleni waseGibithe; lizakubuthwa ngamunye ngamunye, lina bakoIsrayeli.

U-Isaya 43:5

Ungesabi, ngoba mina ngilawe; ngizakhupha inzalo yakho ngasempumalanga, ngikubuthe langasentshonalanga;

U-Isaya 54:7

Okomzuzwana omncinyane ngakutshiya, kodwa ngesihawu esikhulu ngizakukubuyisa.

U-Isaya 56:8

INkosi uNkulunkulu ebuyisa abathunjiweyo bakoIsrayeli ithi: Ngisezakubuyisa abanye futhi ngaphandle kwalabo asebebuyisiwe.

UJeremiya 12:14

INkosi ithi mayelana labo bonke omakhelwana ababi abalihlaselayo ilizwe engilinike abantu bami bakoIsrayeli ukuba libe yilizwe labo: Ngizakubasiphuna elizweni labo, ngiyisiphune indlu yakoJuda, ngiyisuse phakathi kwabo.

UJeremiya 23:3

Ngizabutha eziseleyo emhlambini wami kuwo wonke amazwe lapho ngizixotshele khona, ngizibuyise futhi esibayeni sazo, zizazala, zande.

UJeremiya 29:14

lizangifumana, kutsho iNkosi, ngilibuyise ekuthunjweni kwenu, ngiliqoqe kuzo zonke izizwe lakuzo zonke indawo lapho ngilixotshele khona, ngilibuyise endaweni engalithumba kuyo.

UJeremiya 31:10

Zwanini ilizwi leNkosi, lina zizwe, lilizwakalise ezihlengeni ezikhatshana, lithi: Yena owachitha uIsrayeli uzakumbutha, amaluse njengomalusi eselusa umhlambi wakhe.

Izililo 3:22

ukuthi uthando olungapheliyo lweNkosi luhlala njalo, lesihawu sayo kasilakucina.

Izililo 3:32

Lanxa isehlisa ubuhlungu, izakuba lesihawu ngobukhulu bothando lwayo olungapheliyo.

UHezekhiyeli 11:17

Ngakhoke tshono uthi iNkosi uNkulunkulu ithi: Ngizabaqoqa ezizweni, ngibabuthe emazweni engibachithachithele kiwo, ngibanike ilizwe lakoIsrayeli.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UHezekhiyeli 39:28

Bazakwazi ukuba ngiyiNkosi uNkulunkulu wabo ngoba ngabaxotshela phakathi kwezizwe, ngabuye ngabaqoqela elizweni labo. Kangisayikutshiya loyedwa wabo phakathi kwezizwe.

UMikha 7:19

Uzasihawukela futhi, anyathele phansi ububi bethu. Wena uzaphosela enzikini yolwandle izono zethu zonke;

UZakhariya 10:9

Lanxa ngibachithachithe phakathi kwezizwe, kanti lemazweni akhatshana bazangikhumbula, bazakondla abantwana babo babuye.

AbaseRoma 11:23

Lalabo, uba beyekela ukungakholwa kwabo, bazakuxhunyelwa, ngoba uNkulunkulu ulamandla okubaxhuma.

AbaseRoma 11:26

andubana uIsrayeli wonke ezakusiliswa, njengokulotshiweyo ukuthi: Kuzakuvela eZiyone uMkhululi, asuse ububi kuJakobe;

AbaseRoma 11:31

ngokunjalo lalabo kabalalelanga ukuze ngesihawu elenzelwe sona bahawukelwe khathesi.

UDutheronomi 13:17

Lingagcini lutho kwalokho okuqalekisiweyo, ukuba iNkosi iphenduke entukuthelweni yayo evuthayo, ilihawukele, ibe lobubele kini, ilandise, njengalokhu yafunga kubokhokho benu,

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.