UDutheronomi 30:16 - iBhayibhili Elingcwele 1978

¹⁶ Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba.

IBhayibhili Elingcwele LesiNdebele

¹⁶ Ngakho ngiyalilaya lamuhla ukuthi lithande uThixo uNkulunkulu wenu, lihambe ezindleleni zakhe, kanye lokugcina imilayo yakhe, izimiso lemithetho; ngalokho lizaphila lande, njalo uThixo uNkulunkulu wenu uzalibusisa elizweni eselingena kulo ukuba lilithathe libe ngelenu.

UDutheronomi 30:16 Mawu Ofanana

1 AmaKhosi 3:3

USolomoni wayithanda iNkosi, wahamba ngezimiso zikayise uDavida, kodwa laye wanikela imihlatshelo watshisa impepha endaweni eziphakemeyo zokukhonzela.

Izaga 3:1

Mntanami, ungakhohlwa ukufundisa kwami, kodwa uyigcine imilayo yami enhliziyweni yakho;

U-Isaya 1:19

Uba livuma lilalela, lizakudla okuhle kwelizwe;

UJohane 14:21

Olemilayo yami ayigcine, nguye ongithandayo; yena ongithandayo uzakuthandwa nguBaba, lami ngizakumthanda, ngizibonakalise kuye.

1 AbaseKhorinte 7:19

Ngoba ukusoka kakusilutho, lokungasoki kakusilutho, kuphela ukulondoloza imilayo kaNkulunkulu.

UDutheronomi 30:17

Kodwa uba inhliziyo zenu ziphenduka lingalaleli, liduhiswe, lidumise abanye onkulunkulu, libakhonze,

UDutheronomi 30:19

Lamuhla ngiyabiza izulu lomhlaba ukufakaza ngani ukuthi ngibekile phambi kwenu ukuphila lokufa, isibusiso lesiqalekiso. Ngakhoke khethani ukuphila ukuba liphile lina lenzalo yenu,

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 32:47

Ngoba kini kakusiyo into eyize, kodwa kuyikuphila kwenu; ngalokhu lizahlala isikhathi eside elizweni elichapha iJordani ukulithumba.

UDutheronomi 4:1

Khathesike, lina bakoIsrayeli, zwanini izimiso lezahlulelo engilifundisa zona, lizenze ukuze liphile, lingene lilithumbe ilizwe elinika lona iNkosi uNkulunkulu wabokhokho benu.

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.

UDutheronomi 6:5

Wothanda iNkosi uNkulunkulu wakho ngenhliziyo yakho yonke langomoya wakho wonke langamandla akho wonke.

UJoshuwa 23:11

Qaphelisisani ukuyithanda iNkosi uNkulunkulu wenu.