UDutheronomi 3:20 - iBhayibhili Elingcwele 1978

²⁰ iNkosi ize ibanike ukuphumula abafowenu njengani, labo bakhe elizweni elingaphetsheya kweJordani, iNkosi uNkulunkulu wenu ebapha lona, andubana libuyele lonke elizweni lenu engilinike lona.

IBhayibhili Elingcwele LesiNdebele

²⁰ kuze kuthi uThixo aphumuze abafowenu njengalokhu akwenzileyo kini, kanti labo njalo bazabe sebelithethe ilizwe abaliphiwe nguThixo uNkulunkulu wenu, ngaphetsheya kweJodani. Ngemva kwalokho, lonke ngamunye kuzamele libuyele eziqintini engilinike zona.’ ”

UDutheronomi 3:20 Mawu Ofanana

AmaNani 32:18

Kasiyikubuyela emizini yethu, omunye lomunye wabakoIsrayeli engakazuzi ilizwe libe yilifa lakhe.

AmaNani 32:22

lelizwe linqotshwe phambi kwayo, ng’khona emva kwalokho lizakubuya, lingabi lamlandu eNkosini lakuIsrayeli; lelilizwe lizakuba yilifa lenu phambi kweNkosi.

UDutheronomi 12:9

ngoba kalikafiki endaweni yokuphumula, elizweni elinika lona iNkosi uNkulunkulu wenu.

UDutheronomi 3:21

Ngamlaya uJoshuwa ngalesosikhathi ngathi: Usukubonile konke iNkosi uNkulunkulu wakho ekwenze kulawomakhosi amabili; izakwenza njalo kuyo yonke imibuso ozakudabula phakathi kwayo.

UJoshuwa 1:15

iNkosi ize ibanike abafowenu ukuphumula njengani, bangene elizweni iNkosi uNkulunkulu wenu ebanika lona. Libuyeke elizweni lenu, lihlale kilo, ilizwe uMose inceku yeNkosi alinika lona ngaphetsheya kweJordani ngasempumalanga.

UJoshuwa 22:2

wathi kubo: Likwenzile konke lokho uMose inceku yeNkosi eyalilaya khona, lalilalela ilizwi lami kukho konke engalilaya khona;

UJoshuwa 22:4

Khathesike iNkosi uNkulunkulu wenu ibanikile abafowenu ukuphumula njengokubathembisa kwayo. Ngakhoke buyelani emakhaya enu elizweni lakini, alinika lona uMose inceku yeNkosi ngaphetsheya kweJordani.

UJoshuwa 22:8

wathi kibo: Buyelani emakhaya enu lilenotho enengi lenkomo ezinengi lesiliva legolide lethusi lensimbi lezigqoko ezinengi; lahlukaniselane impango yezitha zenu labafowenu.

UJoshuwa 22:9

AbakoRubeni labakoGadi lengxenye yesizwe sakoManase babuyela emakhaya behlukana labakoIsrayeli eShilo elizweni laseKanani, baya elizweni laseGileyadi elaliyilizwe labo ababelinikwe nguMose ngomlayo weNkosi.