UDutheronomi 28:12 - iBhayibhili Elingcwele 1978

¹² INkosi izakulivulela indlu yayo yenotho ephezulu, ilinise izulu elizweni lenu ngesikhathi salo, ibusise wonke umsebenzi wezandla zenu; lizakweboleka izizwe ezinengi, kodwa lingeboleki lutho kuzo.

IBhayibhili Elingcwele LesiNdebele

¹² UThixo uzavula amazulu, isiphala sakhe esiphuphumayo, ukuze anise izulu phezu kwelizwe lenu ngesikhathi salo njalo abusise yonke imisebenzi eliyenzayo. Lizakweboleka izizwe ezinengi kodwa lina lingeboleki lutho kuzo.

UDutheronomi 28:12 Mawu Ofanana

1 AmaKhosi 18:1

Ngemva kwensuku ezinengi ilizwi leNkosi lafika kuElija ngomnyaka wesithathu lathi: Hamba uyeziveza kuAhabi, sengizanisa izulu emhlabeni.

UJobe 38:22

Wake wangena eziphaleni zikangqoqwane, wabona iziphala zesiqhotho,

AmaHubo 135:7

Yiyo ekhupha amayezi emikhawulweni yomhlaba, eyenza imibane ihambe ndawonye lezulu, ekhupha imimoya eziphaleni zayo.

Izaga 22:7

Abanothileyo babusa abayanga, umeboleki uyisigqili somebolekisi.

UHezekhiyeli 34:26

Ngizazenza zibe yisibusiso zona lezindawo ezihanqe intaba yami, ngithumele izulu ngesikhathi salo, izulu elihle.

ULevi 26:4

ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

UDutheronomi 11:14

izakulinika ilizwe lakini izulu ngesikhathi salo, izulu elokuqala lelokucina, ukuba livune amabele enu lewayini lenu lamafutha enu.

UDutheronomi 14:29

UmLevi, lokhu engelasabelo kini, kanye lowemzini, lentandane, lomfelwakazi abaphakathi kwemizi yenu bazakuza, badle, basuthe, ukuba iNkosi uNkulunkulu wenu ilibusise kuwo wonke umsebenzi wezandla zenu.

UDutheronomi 15:10

Kodwake mnikeni ngesihle, inhliziyo yenu ivuma nxa limnika; ngoba ngenxa yalokhu iNkosi uNkulunkulu wenu izakulibusisa kuwo wonke umsebenzi wenu lakukho konke ukwenza kwenu.

UDutheronomi 15:6

INkosi uNkulunkulu wenu izalibusisa njengokulithembisa kwayo: lizakweboleka izizwe ezinengi, kodwa kaliyikweboleka lutho kuzo; lizakubusa izizwe ezinengi, kodwa zona kaziyikulibusa lina.

UDutheronomi 23:20

Lingeboleka owezizweni ngomvuzo, kodwa lingeboleki umfowenu ngomvuzo, ukuba iNkosi uNkulunkulu wenu ilibusise kukho konke elizakukwenza elizweni elingena kulo ukulithumba.

UDutheronomi 28:24

INkosi izakuphendula izulu elina elizweni lakini libe ngumsizi lothuli, kwehlele phezu kwenu kuvela phezulu, lize libhubhe.

UDutheronomi 28:44

Yena uzakuleboleka, lingameboleki; yena uzakuba yinhloko, lina libe ngumsila.