UDutheronomi 28:1 - iBhayibhili Elingcwele 1978

¹ Uba lilalela ilizwi leNkosi uNkulunkulu wenu, ligcine kuhle yonke imilayo yayo engililaya yona lamuhla, iNkosi uNkulunkulu wenu izaliphakamisa phezu kwazo zonke izizwe zomhlaba.

IBhayibhili Elingcwele LesiNdebele

¹ “Nxa limlalela ngokupheleleyo uThixo uNkulunkulu wenu njalo lilandele yonke imilayo yakhe engilitshela yona lamuhla ngonanzelelo, uThixo uNkulunkulu wenu uzaliphakamisa libe phezu kwezizwe zonke emhlabeni.

UDutheronomi 28:1 Mawu Ofanana

1 ImiLando 14:2

UDavida wabona ukuthi iNkosi yayimmisile ukuba abe yinkosi koIsrayeli, lokuthi iwuphakamisile umbuso wakhe ngenxa yabantu bayo uIsrayeli.

AmaHubo 106:3

Babusisiwe bona abenza okufaneleyo, abenza ukulunga ngazo zonke izikhathi.

AmaHubo 111:10

Ukuyesaba iNkosi kuyikuqala kokuhlakanipha; balengqondo enhle bonke abalakho. Ukudunyiswa kwayo kumi kuze kube nini lanini.

AmaHubo 119:128

Ngakho ngiyaqondisa inyawo zami ngokwemithetho yakho yonke, ngiyazonda zonke indlela zamanga.

AmaHubo 119:6

Ng’khona ngingayikuyangeka, ngikhumbule yonke imithetho yakho.

AmaHubo 148:14

Iphakamisile abantu bayo; ngalokhu abangcwele bayo bayayidumisa, abantu bakoIsrayeli abaseduze layo. Dumisani iNkosi!

AmaHubo 91:14

Ngenxa yokuba ungithanda, ngizakumkhulula; ngizakumvikela, ngoba uyalazi ibizo lami.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

U-Eksodasi 23:22

Kodwa uba ulalela ilizwi laso, wenze konke engikutshoyo, ngizakuba yisitha sezitha zakho, ngiphambane labaphambana lawe.

U-Eksodasi 23:25

Lizakhonza iNkosi uNkulunkulu wenu; ngizabusisa ukudla kwenu lamanzi enu, ngisuse izifo phakathi kwenu.

U-Isaya 1:19

Uba livuma lilalela, lizakudla okuhle kwelizwe;

U-Isaya 3:10

Tshelani abalungileyo ukuthi kuzakuba kuhle kubo, ngoba bazakudla umvuzo wezenzo zabo.

UJeremiya 11:4

engalaya ngawo okhokho benu lapho ngibakhupha elizweni laseGibithe, esithandweni sokuncibilikisa insimbi, ngathi: Lalelani ilizwi lami, lenze konke engilitshela khona, libe ngabantu bami, lami ngibe nguNkulunkulu wenu,

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 17:24

Kodwa uba lina lingilalela, kutsho iNkosi, lingangenisi umthwalo ngamasango alumuzi ngosuku lweSabatha, kodwa lilenze iSabatha libe ngcwele, lingasebenzi ngalo,

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

ULukha 11:28

Kodwa yena wathi: Yebo, kodwa ikakhulu babusisiwe abalizwayo ilizwi likaNkulunkulu, balilondoloze.

ULukha 9:48

Wathi kubo: Ilowo lalowo owamukela lumntwana ngebizo lami wamukela mina; owamukela mina wamukela ongithumileyo; ngoba omncinyane kini lonke nguye omkhulu.

UJohane 15:14

Lina lingabangane bami, uba lisenza lokhu engililaya khona.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AbaseGalathiya 3:10

Kodwa bonke abathemba imisebenzi yomlayo baqalekisiwe; ngoba kulotshiwe ukuthi: Baqalekisiwe bonke abangemi njalo kukho konke okulotshiweyo encwadini yomlayo ukuba bakwenze.

UDutheronomi 11:13

Uba lilalela imithetho yami engililaya yona lamuhla, lithande iNkosi uNkulunkulu wenu, liyikhonze ngenhliziyo yenu yonke langomphefumulo wenu wonke,

UDutheronomi 11:27

isibusiso, uba lilalela imithetho yeNkosi uNkulunkulu wenu engililaya yona lamuhla;

UDutheronomi 15:5

uba lilalela ilizwi leNkosi uNkulunkulu wenu isibili, ligcine kuhle limithetho yonke engililaya yona lamuhla.

UDutheronomi 26:18

Futhi iNkosi ilamukele lamhla ukuthi lina lingabantu abaligugu layo njengokulithembisa kwayo, lokuthi lifanele ukugcina yonke imilayo yayo,

UDutheronomi 26:19

ukuba iliphakamise phezu kwezizwe zonke ezenzileyo ngokubongwa, langodumo langokudunyiswa, libe ngabantu abangcwele eNkosini uNkulunkulu wenu njengokutsho kwayo.

UDutheronomi 28:13

INkosi izakulenza libe yinhloko, lingabi ngumsila; lizakuba ngaphezulu, lingabi ngaphansi, uba lilalela imilayo yeNkosi uNkulunkulu wenu engililaya yona lamuhla, liyigcine kuhle.