UDutheronomi 26:12 - iBhayibhili Elingcwele 1978

¹² Lapho usuqedile ukunika okwetshumi kwezithelo zakho ngomnyaka wesithathu, ongumnyaka wokunika okwetshumi, usukunike umLevi lowemzini lentandane lomfelwakazi ukuba badle basuthe emizini yakho,

IBhayibhili Elingcwele LesiNdebele

¹² Kuzakuthi lapho usuqedile ukwahlukanisa okwetshumi kwaso sonke isivuno sakho ngomnyaka wesithathu, okungumnyaka wokwetshumi, wena uzakunika umLevi, owezizweni, intandane kanye lomfelokazi, ukuze badle basuthe emadolobheni akho.

UDutheronomi 26:12 Mawu Ofanana

UGenesisi 47:24

Kuzakuthi ekuvuneni limnike uFaro okwesihlanu, lezingxenye ezine zibe ngezenu, kube yinhlanyelo yamasimu lokudla kwenu lokudla kwemizi yenu, lokudla kwabantwana benu.

UGenesisi 47:26

UJosefa wenza umthetho mayelana lelizwe laseGibithe omiyo lalamhla wokuthi okwesihlanu kuzakuba ngokukaFaro; isiqinti sabapristi sodwa yiso esasingesiso sikaFaro.

Izaga 14:21

Odelela umuntu oswelayo wenza okubi, kodwa olomusa kwabangabayanga ubusisiwe.

ULevi 27:30

Okwetshumi konke kwelizwe, loba okwenhlanyelo yelizwe loba okwezithelo zezihlahla, kungokweNkosi; kungcwele eNkosini.

AmaNani 18:24

Ngoba okwetshumi kwabakoIsrayeli abakunikela eNkosini kube ngumnikelo, ngikunike amaLevi kube ngokwawo. Ngakho ngitshilo ngawo ukuthi kawazukuba lelifa phakathi kwabakoIsrayeli.

UDutheronomi 16:14

lithabe emkhosini lina lamadodana enu lamadodakazi enu, lenceku zenu lencekukazi zenu, lomLevi, lowezizweni, lentandane, lomfelwakazi, abahlala emizini yenu.

AmaHebheru 7:5

Lalabo abangamadodana kaLevi abamukeliswe ubupristi balamandla okwamukela okwetshumi ebantwini ngokomthetho, okuyikuthi kubafowabo, loba labo beyinzalo kaAbrahama.

AmaHebheru 7:9

Futhi kungatshiwo ngoLevi uqobo yena owamukela okwetshumi ukuthi wanikela okwetshumi ngaye uAbrahama,