UDutheronomi 22:21 - iBhayibhili Elingcwele 1978

²¹ bazayisa ngasemnyango wendlu kayise, amadoda omuzi wakibo ayikhande ngamatshe ayibulale; ngoba yenzile okubi koIsrayeli ngokwenza ubuwule endlini kayise. Ngalokhu lizakuqeda ububi phakathi kwenu.

IBhayibhili Elingcwele LesiNdebele

²¹ izalethwa emnyango wendlu kayise kuthi amadoda akulelodolobho ayikhandele khona ngamatshe ize ife. Yenze into eyangisayo ko-Israyeli ngokungaziphathi ngesikhathi isahlala emzini kayise. Kumele liqede ububi phakathi kwenu.

UDutheronomi 22:21 Mawu Ofanana

UGenesisi 34:7

Amadodana kaJakobe afika evela egangeni esezwile lokhu; adabuka, athukuthela kakhulu ngoba uShekema enze ihlazo koIsrayeli ngokulala lendodakazi kaJakobe, into engafanele ukwenziwa.

UGenesisi 38:24

Kwathi emva kwenyanga ezintathu uJuda watshelwa ukuthi uTamari umalokazana wakhe ufebile, lokuthi ulesisu sokufetshwa. UJuda wasesithi: Mletheni lapha atshiswe.

ULevi 19:29

Lingoni amadodakazi enu ngokuwenza abe ngamawule, funa ilizwe lehlelwe yikuphinga, ligcwale ububi.

ULevi 20:2

Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

ULevi 21:9

Indodakazi yompristi, uba izingcolisa ngokuphinga, iyamngcolisa loyise; kayitshiswe ngomlilo.

ULevi 24:16

Ohlambaza ibizo leNkosi kabulawe; lonke ibandla lizakumkhanda ngamatshe. Owezizweni ohlala phakathi kwenu laye owokuzalwa elizweni, nxa behlambaza iBizo elingcwele, bazakubulawa.

ULevi 24:23

UMose wakhulumake ebantwini bakoIsrayeli. Bamkhuphela ngaphandle kwezihonqo lowo owathukayo, bamkhanda ngamatshe. Abantu bakoIsrayeli benza njengokutsho kweNkosi kuMose.

1 AbaseKhorinte 5:13

KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.

UDutheronomi 13:10

Mkhande ngamatshe aze afe, ngoba ubezama ukukuduhisa eNkosini uNkulunkulu wakho, eyakukhupha eGibithe, endaweni yobugqili.

UDutheronomi 13:5

Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

UDutheronomi 13:6

Uba umfowenu, indodana kanyoko, loba indodana yakho, loba indodakazi yakho, loba umkakho omthandayo, ingabe umngane wakho othandeka kakhulu kuwe, ekuyenga ensitha esithi: Asihambe, siyekhonza abanye onkulunkulu; ongabaziyo wena labokhokho bakho,

UDutheronomi 17:5

lizakuthatha lowomuntu owenze okubi lokho, limuse emasangweni enu, limkhande ngamatshe aze afe.

UDutheronomi 17:7

Ofakazi bazamtshaya kuqala ukumbulala, andubana bamtshaye abantu bonke. Ngalokhu lizakuqeda ububi phakathi kwenu.

UDutheronomi 19:19

lizakwenza kuye lokho abefisa ukwenza kumfowabo; ngalokhu lizakuqeda ububi phakathi kwenu.

UDutheronomi 21:21

Ng’khona wonke amadoda alowomuzi azayikhanda ngamatshe. Ngalokho lizaqeda ububi phakathi kwenu; wonke uIsrayeli uzakuzwa, esabe.

UDutheronomi 22:22

Uba indoda ifunyanwa ilele lomfazi wenye indoda, bobabili bazabulawa, indoda ebilele lomfazi kanye lomfazi. Ngalokhu lizaqeda ububi koIsrayeli.

UDutheronomi 22:24

lizakubakhuphela ngasesangweni lalowomuzi bobabili, libakhande ngamatshe libabulale; likhande ngamatshe intombi ngoba ingahlabanga umkhosi lanxa ibiphakathi komuzi, lendoda ngoba imonile umkamakhelwana wakhe. Ngalokhu lizaqeda ububi phakathi kwenu.

Abahluleli 19:23

Umnikazindlu waphuma waya kibo, wathi: Atshi, bafowethu, lingenzi okubi kangaka; lokhu lumuntu uyisethekeli sami, lingenzi linto embi.

Abahluleli 20:10

sithathe abantu abalitshumi kuwo wonke amakhulu ezizwe zakoIsrayeli, lekhulu kuzo zonke inkulungwane, lenkulungwane kuzo zonke inkulungwane ezilitshumi, ukuba badinge umphako ebantwini owalabo abaphumele ukuhlasela iGibeya koBenjamini, ukuba kuphindiselwe ububi obenziwe koIsrayeli.

Abahluleli 20:5

Amadoda aseGibeya angivukela, azingelezela indlu engangikuyo ebusuku efuna ukungibulala, amdlova omunye umfazi wami, khathesi usefile.

Abahluleli 20:6

Ngamthatha, ngamquma iziqa, ngazithumela kulo lonke ilizwe lakoIsrayeli, ngoba lawomadoda enza amanyala lobubi koIsrayeli.