UDutheronomi 2:7 - iBhayibhili Elingcwele 1978

⁷ Ngoba iNkosi uNkulunkulu wenu ilibusisile emsebenzini wonke wezandla zenu; ililondolozile ekuhambeni kwenu kulinkangala enkulu. INkosi uNkulunkulu wenu ibe lani liminyaka engamatshumi amane, kaliswelanga lutho.

IBhayibhili Elingcwele LesiNdebele

⁷ UThixo uNkulunkulu wenu uyibusisile imisebenzi yezandla zenu. Ulikhokhele kulolonke uhambo lwenu phakathi kwenkangala enkulu kangaka. Iminyaka engamatshumi amane uThixo wenu ube lani, kalizange liswele lutho.

UDutheronomi 2:7 Mawu Ofanana

UGenesisi 12:2

Ngizakukwenza ube yisizwe esikhulu, ngikubusise, ngenze ibizo lakho libe likhulu, lisetshenziswe ekubusiseni.

UGenesisi 24:35

INkosi iyibusisile kakhulu inkosi yami, yaze yaba nkulu. Yayinika izimvu lezinkomo, isiliva legolide, izinceku lezincekukazi, amakamela labobabhemi.

UGenesisi 26:12

UIsaka walima kulelolizwe, wazuza ngalowomnyaka okuphindwe kalikhulu; iNkosi yambusisa.

UGenesisi 30:27

ULabani wathi kuye: Uba ngifumene umusa kuwe, ungahambi; ngoba sengibonile ngezibonakaliso ukuthi iNkosi ingibusisile ngenxa yakho.

UGenesisi 39:3

Inkosi yakhe yabona ukuthi iNkosi ilaye, lokuthi konke akwenzayo iNkosi yakuphumelelisa.

UGenesisi 39:5

Kusukela esikhathini eyamenza ngaso abe ngumphathi wendlu yayo lakho konke eyayilakho, iNkosi yayibusisa indlu yomGibithe ngenxa kaJosefa; isibusiso seNkosi saba phezu kwakho konke okwayo, endlini lasemasimini.

UNehemiya 9:21

Iminyaka engamatshumi amane wabalondoloza enkangala, kabaswelanga lutho; izigqoko zabo kaziguganga, lenyawo zabo kazivuvukanga.

UJobe 23:10

Kanti uyayazi indlela yami, nxa esengihlolile, ngizaphuma nginjengegolide.

AmaHubo 1:6

ngoba iNkosi iyayinanzelela indlela yabalungileyo, kodwa indlela yababi izakubhubha.

AmaHubo 107:4

Abanye bazula enkangala bengafumani indlela eya emzini abangahlala kuwo,

AmaHubo 31:7

Ngizakuthaba ngithokoze ngothando lwakho olungapheliyo, ngoba ukubonile ukuhlupheka kwami, wazinanzelela inhlupheko zami;

AmaHubo 90:17

Umusa wakho, Nkosi, Nkulunkulu wethu, kawube phezu kwethu, uphelelise umsebenzi wonke wezandla zethu.

U-Eksodasi 16:35

AbakoIsrayeli badla imana iminyaka engamatshumi amane baze bafika elizweni elakhiweyo. Badla imana baze bafika emikhawulweni yaseKanani.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UHosiya 13:5

Yimi engakulondoloza enkangala, elizweni lokoma.

uAmosi 2:10

Futhi mina ngalikhupha elizweni laseGibithe, ngalihola enkangala iminyaka engamatshumi amane, ukuba lithumbe ilizwe lamaAmori.

AmaNani 1:1

INkosi yakhuluma kuMose enkangala yaseSinayi ethenteni lokuhlangana, ngosuku lokuqala lwenyanga yesibili, ngomnyaka wesibili emva kokuphuma kwabo eGibithe, yathi:

AmaNani 14:33

Abantwana benu bazakuba zinzulane enkangala iminyaka engamatshumi amane, bahlawule ukungathembeki kwenu, kuze kufe lowokucina wenu.

AmaNani 14:34

Lahlola ilizwe insuku ezingamatshumi amane; usuku luzalingana lomnyaka, ngakho lizathwala ububi benu iminyaka engamatshumi amane, lize lazi ukuthi kunjani nxa lingidelela.

AmaNani 22:12

UNkulunkulu wathi kuBalami: Ungabohamba labo; ungabaqalekisi labobantu, ngoba babusisiwe.

AmaNani 32:13

Intukuthelo yeNkosi yabavuthela abakoIsrayeli, yabazulisa enkangala iminyaka engamatshumi amane, kwaze kwaphela lesosizukulwana sonke esasenzile okubi emehlweni eNkosi.

ULukha 22:35

Wasesithi kubo: Mhla ngilithuma lingelamxhaka, lasikhwama, lamanyathelo, laswela ulutho na? Bathi: Kasiswelanga lutho.

UJohane 10:27

Izimvu zami ziyalizwa elami ilizwi; lami ngiyazazi, ziyangilandela;

UDutheronomi 1:19

Sasuka eHorebe, sadabula phakathi kwaleyonkangala enkulu leyesabekayo elayibonayo; sahamba ngendlela eya ezintabeni zamaAmori, njengokusilaya kweNkosi, safika eKadeshiBarneya.

UDutheronomi 1:46

Laselihlala eKadeshi insuku ezinengi.

UDutheronomi 2:14

Kwasekudlule iminyaka engamatshumi amathathu lesificaminwembili kusukela ekusukeni kwethu eKadeshi‐Barneya kuze kube sekuweleni kwethu umfula iZeredi, kwaze kwaphela sonke isizukulwana samadoda empi ezihonqweni, njengokufunga kweNkosi kuwo.

UDutheronomi 2:6

Lizakuthenga ukudla kubo ukuba lidle, lithenge kubo lamanzi ukuba linathe.

UDutheronomi 29:4

Kodwa kuze kube lamuhla iNkosi kayilinikanga ingqondo yokuqedisisa lamehlo okubona lendlebe zokuzwa.

UDutheronomi 29:5

Ngiliholile enkangala iminyaka engamatshumi amane; izambatho zenu kaziguganga, lamanyathelo enu kawaphelanga enyaweni zenu;

UJoshuwa 5:6

Ngoba abakoIsrayeli bahamba enkangala iminyaka engamatshumi amane saze safa saphela sonke isizwe, lawomadoda empi ayephume eGibithe, ngoba engalilalelanga ilizwi leNkosi; iNkosi yayifungile kuwo ukuba kawayikulibona ilizwe eyafunga kubokhokho babo ukusinika lona, ilizwe eligcwele uchago lenyosi.