UDutheronomi 2:21 - iBhayibhili Elingcwele 1978

²¹ ayengabantu abanengi, abakhulu, labade njengamaAnaki; kodwa iNkosi yawachitha phambi kwabo, labantwana bakaAmoni bawaxotsha, bakha endaweni yawo,

IBhayibhili Elingcwele LesiNdebele

²¹ Babengabantu abalamandla bebanengi kakhulu, njalo bebade njengama-Anakhi. UThixo wababhubhisa phambi kwama-Amoni, wona abadudulayo njalo ahlala endaweni yabo.

UDutheronomi 2:21 Mawu Ofanana

UDutheronomi 1:28

Sizakuya ngaphi? Abazalwane bethu basithelele ubugwala ngokuthi: Labobantu bakhulu, bade kulathi; lemizi mikhulu, ibiyelwe ngemithangala efika ezulwini; futhi sibonile khona amadodana amaAnaki.

UDutheronomi 2:20

— Lalelo kuthiwa yilizwe lamaRefa, ngoba wona ayehlala khona endulo, kodwa abaseAmoni bawabiza ngokuthi ngamaZamuzumu;

UDutheronomi 2:22

njengalokho eyakwenzela abantwana bakaEsawu abakhileyo eSeyiri, yawachitha amaHori phambi kwabo, bawaxotsha, bakha endaweni yawo kuze kube lamuhla.

UDutheronomi 3:11

— Ngoba amaRefa ayesele kwasekunguOgi kuphela; umbheda wakhe wawungowensimbi; usekhona eRaba kumaAmoni. Ubude bawo babuzingalo ezificamunwemunye, lobubanzi bawo babuzingalo ezine, ngokwengalo yomuntu. —

Abahluleli 11:24

Kawuyikuthatha lokhu uKemoshi unkulunkulu wakho akunika khona na? Konke lokho iNkosi uNkulunkulu wethu eyakuthathela abanye kungokwethu.