UDutheronomi 19:6 - iBhayibhili Elingcwele 1978

⁶ Uba kungekho imizi enjalo, umphindiseli wegazi emthukuthelele kakhulu umbulali, axotshane laye, amfice ngoba indlela inde, amtshaye ambulale, lanxa lowombulali ebengafanele ukufa ngoba ebekade engamzondi umakhelwane wakhe.

IBhayibhili Elingcwele LesiNdebele

⁶ Phela kungenzeka ukuthi umphindiseli wegazi axotshane lombulali ngentukuthelo, amfice nxa umango umude kakhulu, ambulale lanxa lowombulali ubengafanelanga ukufa, ngoba engambulalanga ngabomo langenxa yenzondo umakhelwane wakhe.

UDutheronomi 19:6 Mawu Ofanana

2 USamuyeli 14:7

Usendo lonke seluvukele incekukazi yakho, luthi: Sinike yena owatshaya umfowabo wambulala, ukuba simbulale ngenxa yokuba wabulala umfowabo, siyibulale indlalifa. Ngalokhoke bacime isikhuni sami esiseleyo, bangabe besatshiyela indoda yami ibizo lenzalo emhlabeni.

AmaNani 35:12

Yona izakuba yimizi yenu yokuphephela kumphindiseli, ukuba umbulali angabulawa engakemi phambi kwebandla ahlulelwe.

UDutheronomi 19:5

njengomuntu oya ehlathini lomakhelwane wakhe ukugamula izihlahla, kuthi lapho egamula isihlahla ngehloka lakhe, ihloka likhumuke emphinini, limtshaye umakhelwane wakhe afe, lowomuntu angaphephela komunye waleyomizi ukuba asile.

UDutheronomi 19:7

Ngalokhuke ngiyalilaya ukuba lahlukanise imizi emithathu.

UDutheronomi 21:22

Uba umuntu owenze icala elifanele ukufa ebulawa, lizamphanyeka esihlahleni,

UJoshuwa 20:5

Uba umphindiseli wegazi exotshana laye, kabayikumnikela umbulali esandleni sakhe, ngoba engabulalanga umakhelwane wakhe ngabomu, ebekade engamzondi.