UDutheronomi 18:2 - iBhayibhili Elingcwele 1978

² Kabayikuba lesabelo phakathi kwabafowabo, ngoba isabelo sabo siyiNkosi njengokubathembisa kwayo.

IBhayibhili Elingcwele LesiNdebele

² Abayikuba lelifa phakathi kwabafowabo; uThixo uyilifa labo, njengokuthembisa kwakhe.

UDutheronomi 18:2 Mawu Ofanana

UGenesisi 15:1

Emva kwalokhu ilizwi leNkosi lafika kuAbrama ngombono, lathi: Ungesabi wena Abrama, ngiyisihlangu sakho; umvuzo wakho uzakuba mkhulu kakhulu.

AmaHubo 119:57

Nkosi, uyisabelo sami; ngithi ngizakugcina amazwi akho.

AmaHubo 16:5

Nkosi, uyisabelo sami lenkezo yami; wena uphethe okokuphila kwami konke.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

U-Isaya 61:6

Kodwa lina lizakuthiwa lingabapristi beNkosi, libizwe ngokuthi yizikhonzi zikaNkulunkulu wethu; lizakudla imfuyo yezizwe, lithokoze ngenotho yazo.

Izililo 3:24

Umoya wami uthi: INkosi iyisabelo sami, ngakho ngizathemba kiyo.

UHezekhiyeli 44:28

Kabayikuba lelifa, mina ngiyilifa labo; kaliyikubanika isabelo selizwe koIsrayeli; mina ngiyisabelo sabo.

AmaNani 18:20

INkosi yathi kuAroni: Kawuzukuba lelifa elizweni lakini, kawuzukuba lesabelo selizwe phakathi kwabo; mina ngiyisabelo sakho lelifa lakho phakathi kwabantu bakoIsrayeli.

AmaNani 18:7

Wena lamadodana akho lizakwenza imisebenzi yenu yobupristi kukho konke okuqondene lealtare lalokho okungaphakathi kweveli, likhonze. Ngiyalinika ubupristi bube yisipho; kodwa umuntu ongelasikhundla osondelayo uzakubulawa.

UDutheronomi 10:9

Ngalokhu amaLevi kawalasabelo selizwe kanye labafowabo; iNkosi iyisabelo sawo, njengokutsho kweNkosi uNkulunkulu wenu kuwo. —

UJoshuwa 13:14

Yisizwe sakoLevi sodwa uMose angasinikanga isabelo selizwe; iNkosi uNkulunkulu kaIsrayeli iyisabelo saso, njengokutsho kwayo kuye.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.