UDutheronomi 17:8 - iBhayibhili Elingcwele 1978

⁸ Uba kulethwa kini indaba elahlulayo ekwahluleleni kwenu, indaba yokubulala, loba eyelungelo lomuntu, loba eyokutshayana, loba izindaba zokuphikisana emizini yenu, lizakusuka liye endaweni iNkosi uNkulunkulu wenu ezakuyikhetha,

IBhayibhili Elingcwele LesiNdebele

⁸ “Nxa amacala eza phambi kwemithethwandaba yenu enzima ukuwahlulela, loba awokuchitha igazi, ukwephula imithetho loba awokuhlaselwa, athatheni liye lawo endaweni uThixo uNkulunkulu wenu azayikhetha.

UDutheronomi 17:8 Mawu Ofanana

2 USamuyeli 15:2

UAbisalomu wayevuka ekuseni eme eceleni kwendlela eya esangweni lomuzi; kuthi wonke umuntu olecala eliya enkosini ukuba lithethwe, uAbisalomu ambize athi kuye: Ungowawuphi umuzi na? Kuthi lapho yena esithi: Inceku yakho ingowesinye sezizwe zakoIsrayeli;

1 ImiLando 26:29

KwabakoIzihari uKenaniya lamadodana akhe babephethe umsebenzi wangaphandle koIsrayeli beyizinduna labahluleli.

U-Eksodasi 18:15

UMose wathi kuyisezala: Kungoba abantu beza kimi ukubuza kuNkulunkulu;

U-Eksodasi 18:26

Zabahlulela abantu ngezikhathi zonke; zaletha kuMose indaba ezinkulu, kodwa indaba ezincinyane zazahlulela zona.

U-Eksodasi 21:20

Uba umuntu etshaya isigqili sakhe ingabe isigqilikazi sakhe ngenduku asibulale ngesandla sakhe, uzakujeziswa.

U-Eksodasi 21:22

Nxa abantu besilwa, balimaze owesifazana okhulelweyo aze aphumise isisu sakhe, angehlelwa ngenye ingozi, omlimazileyo uzahlawuliswa njengokubiza kwendoda yakhe, ahlawule njengesiqumo sabahluleli.

U-Eksodasi 21:28

Uba inkabi ihlaba owesilisa ingabe owesifazana afe, inkabi izakhandwa ngamatshe, inyama yayo ingadliwa; kodwa umnininkabi uzayekelwa.

U-Eksodasi 22:2

Uba isela lificwa lifohlela endlini, litshaywe lize life, umninindlu kayikuba lecala legazi.

U-Eksodasi 22:8

Kodwa uba isela lingafunyanwa, umninindlu uzasondela kuNkulunkulu ukuba kubonwe ukuthi kafakanga yini isandla empahleni yomakhelwane wakhe.

UHezekhiyeli 44:24

Lapha kukhona ukuphikisana bazakwahlulela, bahlulele ngokufanele izahlulelo zami. Bazagcina imilayo yami lezimiso zami kiyo yonke imikhosi yami emisiweyo, bagcine amaSabatha ami abe ngcwele.

UHagayi 2:11

lisithi: INkosi yamabandla ithi: Ake ubabuze abapristi lumbuzo uthi:

UMalaki 2:7

Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

AmaNani 35:11

khethani imizi ibe yimizi yenu yokuphephela, ukuba umbulali obulala umuntu kungesikho ngabomu aphephele kuyo.

AmaNani 35:16

Uba umuntu etshaya omunye ngento yensimbi ambulale, ungumbulali; kabulawe lumbulali.

UDutheronomi 1:17

Ekwahluleleni kwenu lingabi labandlululo, kodwa zwanini omncinyane njengomkhulu: lingesabi muntu, ngoba ukwahlulela kungokukaNkulunkulu. Lethani kimi indaba ezilahlulayo ukuba ngizizwe.

UDutheronomi 12:11

kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini.

UDutheronomi 12:14

kodwa kuleyondawo iNkosi ezakuyikhetha kwesinye sezizwe zakini nikelani lapho iminikelo yenu yokutshiswa, lenze konke engililaya khona.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UDutheronomi 19:17

abantu bobabili abaxabeneyo bazakuza phambi kweNkosi, phambi kwabapristi labahluleli abazakuba bekhona ngalesosikhathi.

UDutheronomi 19:4

Nantu uhlobo lombulali ongaphephela khona ukuba asile. Uba umuntu ebulala umakhelwane wakhe kungesikho ngabomu ebekade engamzondi,

UDutheronomi 21:5

Abapristi, amadodana kaLevi, bazakusondela; ngoba iNkosi uNkulunkulu wenu ibakhethile ukuba bayikhonze, babusise ebizweni layo, lokuba ngamazwi abo kungaqunywa indaba zokuxabana lokutshaya.

UDutheronomi 25:1

Uba abantu bexabana, baye kubathonisisi, abathonisisi bazakubathonisisa, bayekele ongelacala, balahle olecala.