UDutheronomi 17:2 - iBhayibhili Elingcwele 1978

² Uba kukhona phakathi kwenu, emizini yenu iNkosi uNkulunkulu wenu elinika yona, owesilisa loba owesifazana owenza okubi emehlweni eNkosi uNkulunkulu wenu ngokwaphula isivumelwano sayo,

IBhayibhili Elingcwele LesiNdebele

² Nxa kulendoda loba owesifazane ohlala phakathi kwenu kwelinye lamadolobho eliwaphiwa nguThixo uNkulunkulu wenu limfumana esona emehlweni kaThixo uNkulunkulu wenu esephula isivumelwano,

UDutheronomi 17:2 Mawu Ofanana

2 AmaKhosi 18:12

ngoba bengalilalelanga ilizwi leNkosi uNkulunkulu wabo, kodwa besaphula isivumelwano sayo, lakho konke uMose inceku yeNkosi ayebalaye khona; kabezwanga, kabalalelanga.

2 AmaKhosi 21:3

Wabuya wakha indawo eziphakemeyo zokukhonzela uyise uHezekiya ayeziqedile, wakhela uBali ama‐altare, wenza insika zikankulunkulukazi uAshera, njengokwenza kukaAhabi inkosi yakoIsrayeli, wadumisa zonke inkanyezi zaphezulu, wazikhonza.

UJobe 31:28

lalokho kungaba yibubi bokuthonisiswa ngabathonisisi, ngoba ngizabe ngingathembekanga kuNkulunkulu ophezulu.

U-Eksodasi 22:19

Olala lenyamazana kabulawe.

U-Eksodasi 22:20

Onikela kwabanye onkulunkulu ngaphandle kweNkosi kabhujiswe.

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 34:18

Abantu abaseqileyo isivumelwano sami, abangagcinanga amazwi esivumelwano ababesenze phambi kwami, ngizabenza babe njengethole lesivumelwano abalidabula kabili, badlula phakathi kwalo,

UHezekhiyeli 16:38

Ngizakukuthonisisa njengabesifazana abafebayo lababulalayo, ngehlisele phezu kwakho igazi elachithwayo ngenxa yokuthukuthela lomona.

UHosiya 6:7

Kodwa eAdima basaphula isivumelwano, bangikhohlisa khona.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

ULevi 20:2

Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

ULevi 26:15

uba lilahla izimiso zami, lidelele izahlulelo zami, ukuze lingenzi imilayo yami yonke, leqe isivumelwano sami,

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UDutheronomi 17:5

lizakuthatha lowomuntu owenze okubi lokho, limuse emasangweni enu, limkhande ngamatshe aze afe.

UDutheronomi 29:18

Qaphelani, funa kube khona phakathi kwenu umuntu, umuzi ingabe isizwe, okulenhliziyo efulathela iNkosi uNkulunkulu wethu lamhla ukuyakhonza onkulunkulu balezozizwe. Qaphelani, funa kube khona phakathi kwenu impande ethela izithelo ezibabayo lezilobuhlungu,

UDutheronomi 29:25

Abantu bazaphendula bathi: Kungoba badela isivumelwano seNkosi, uNkulunkulu wabokhokho babo, eyasenza labo ekubakhupheni kwayo eGibithe,

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

AmaHebheru 10:28

Odelela umlayo kaMose uyabulawa ngelizwi labofakazi ababili loba abathathu, engahawukelwa.

UJoshuwa 23:16

Uba lisaphula isivumelwano seNkosi uNkulunkulu wenu eyalilaya sona, lisuke liyekhonza abanye onkulunkulu, likhothame kibo, ulaka lweNkosi luzakuvutha kini, libhubhe masinyane liphele kulelilizwe elihle elinike lona.

UJoshuwa 7:11

UIsrayeli wonile; baseqile isivumelwano sami engabalaya sona, bathethe okunye kwezinto ezinikelwe eNkosini, bebile, baqamba amanga, bakubekile empahleni zabo.

UJoshuwa 7:15

kuthi lowo ozafunyaniswa elezinto ezinikelwe eNkosini atshiswe ngomlilo, lakho konke alakho, ngoba usaphule isivumelwano seNkosi, wenza into elihlazo koIsrayeli.

Abahluleli 2:20

Ngalokhoke ulaka lweNkosi lwavutha kuIsrayeli, yathi: Ngoba lababantu basaphule isivumelwano sami engasilaya okhokho babo, kabalilalelanga ilizwi lami,

Abahluleli 6:31

Kodwa uJowashi wathi kubo bonke ababembuthanele: Lizamlwela uBali yini, kumbe limvikele na? Lowo omlwelayo uzabulawa ekuseni. Uba yena engunkulunkulu, kazilwele yena, ngoba ialtare lakhe lidiliziwe.