UDutheronomi 17:17 - iBhayibhili Elingcwele 1978

¹⁷ Futhi angathathi abafazi abanengi, funa inhliziyo yakhe iduhe; njalo angazinothisi ngesiliva langegolide.

IBhayibhili Elingcwele LesiNdebele

¹⁷ Kayingathathi abafazi abanengi funa inhliziyo yayo idukiswe. Kayingazinothisi ngesiliva langegolide elinengi kakhulu.

UDutheronomi 17:17 Mawu Ofanana

UGenesisi 2:24

Ngenxa yalokhu umuntu uzakutshiya uyise lonina, anamathele kumkakhe; bazakuba nyamanye.

2 USamuyeli 12:11

INkosi uNkulunkulu ithi: Ngizakukuvusela okubi okuvela endlini yakho; ngithathe omkakho phambi kwakho, ngibanike umakhelwane wakho, alale labo obala.

2 USamuyeli 5:13

UDavida wathatha abanye abafazi eJerusalema, esesukile eHebroni, wazala amanye amadodana lamadodakazi.

1 AmaKhosi 10:21

Zonke inkezo zokunatha zenkosi uSolomoni zazenziwe ngegolide, lezitsha zonke zendlu ethiwa ngeyeGusu laseLebanoni zazenziwe ngegolide elihle; zazingekho ezenziwe ngesiliva, ngoba isiliva sasiyinto engasilutho ensukwini zikaSolomoni.

1 AmaKhosi 10:27

Inkosi yandisa isiliva eJerusalema saba sinengi njengamatshe, lemikusu yaba minengi njengephane laseShefela.

1 ImiLando 14:3

UDavida wathatha abanye abafazi eJerusalema, wazala amanye amadodana lamadodakazi.

2 ImiLando 1:15

Inkosi yandisa isiliva legolide eJerusalema, kwaba njengamatshe, lemikusu yaba minengi njengephane laseShefela.

2 ImiLando 11:21

URehobowamu wayemthanda uMahaka ukwedlula bonke omkakhe labanye abafazi bakhe; wathatha abafazi abalitshumi lesificaminwembili, labanye abafazi abangamatshumi ayisithupha, wayelamadodana angamatshumi amabili lesificaminwembili lamadodakazi angamatshumi ayisithupha.

UNehemiya 13:26

Ngathi: USolomoni inkosi yakoIsrayeli konanga yini ngenxa yabafazi abanje? Ezizweni ezinengi kwakungekho inkosi enjengaye, wayethandeka kuNkulunkulu wakhe, uNkulunkulu wamenza inkosi yakoIsrayeli wonke; kantike abafazi bezizweni bamenza laye ukuba one.

AmaHubo 62:10

Lingakuthembi ukuqilibezela, lingamisi ithemba ekuphangeni; uba inotho isanda, lingabeki inhliziyo zenu kuyo.

Izaga 31:3

Ungachitheli amandla akho kwabesifazana, ungazinikeli kubo abachitha amakhosi.

UMalaki 2:15

UNkulunkulu kenzanga umuntu abe lenyama lomoya wokuphila na? UNkulunkulu ufunani kulokhu na? Ufuna ukuba umuntu azale abantwana abanikwe nguNkulunkulu. Ziqapheliseni ukuba omunye lomunye wenu angamkhohlisi umfazi wobutsha bakhe.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

UMatewu 19:5

Wathi: Ngcnxa yalokhu umuntu uzakutshiya uyise lonina, anamathele kumkakhe; labo ababili bazakuba nyamanye.

ULukha 12:15

Wasesithi kibo: Xwayani, liqaphele ubuhwaba bonke, ngoba ukusila komuntu kakuyi ngobunengi bempahla yakhe.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

1 uTimothi 6:9

Abafuna ukunotha bangena ekulingweni, lasemijibileni, lasezinkanukweni ezinengi zobuphukuphuku ezilimazayo, eziwisela abantu ekufeni lasekubhujisweni.