UDutheronomi 17:16 - iBhayibhili Elingcwele 1978

¹⁶ Qaphelani ukuba angabi lamabhiza amanengi lokuba angababuyiseli abantu eGibithe ukuze andise amabhiza akhe, lokhu iNkosi ithe kini: Kalisoze libuyele futhi ngaleyondlela.

IBhayibhili Elingcwele LesiNdebele

¹⁶ Inkosi njalo akumelanga izifuyele amabhiza amanengi loba ithume abantu babuyele eGibhithe ukuyazuza amanye khona ngoba uThixo ulitshelile wathi, ‘Lingaphindi liyihambe njalo leyondlela.’

UDutheronomi 17:16 Mawu Ofanana

2 USamuyeli 8:4

UDavida wathumba kuye abamabhiza abayinkulungwane lamakhulu ayisikhombisa, lamabutho ahamba ngenyawo abayizinkulungwane ezingamatshumi amabili; waquma imisipha yawo wonke amabhiza enqola zokulwa, kodwa watshiya amabhiza alingana izinqola zokulwa ezilikhulu.

1 AmaKhosi 1:5

UAdonija indodana kaHagithi wayezibula esithi: Mina ngizakuba yinkosi. Wasezilungiselela inqola zokulwa labagadi bamabhiza, lamadoda angamatshumi amahlanu ukugijima phambi kwakhe.

1 AmaKhosi 4:26

USolomoni wayelezibaya zamabhiza enqola zakhe zokulwa ezizinkulungwane ezingamatshumi amane, lamabhiza okulwa ayezinkulungwane ezilitshumi lambili.

1 AmaKhosi 5:6

Ngalokhoke akutshele inceku zakho zingigamulele imikusu yaseLebanoni, lezinceku zami zizasizana lezakho; ngizakukuhlawula ngenceku zakho leyomali oyifunayo. Ngoba uyazi ukuthi kakukho loyedwa phakathi kwethu okwaziyo ukugamula izihlahla njengabaseSidoni.

2 ImiLando 1:16

Amabhiza kaSolomoni ayevela eGibithe laseKowa, abathengi benkosi babewathenga eKowa.

2 ImiLando 9:25

USolomoni wayelezibaya zamabhiza lezezinqola zokulwa ezizinkulungwane ezine, lamabhiza empi azinkulungwane ezilitshumi lambili; amanye wawabeka emizini yezinqola, lamanye enkosini eJerusalema.

AmaHubo 20:7

Abanye bathemba inqola zokulwa, abanye bathemba amabhiza, kodwa thina sithemba ibizo leNkosi uNkulunkulu wethu.

U-Eksodasi 13:17

Kwathi uFaro esebavumele abantu ukuba bahambe, uNkulunkulu kabaholanga ngendlela edabula elizweni lamaFilistiya lanxa kwakuyiyona eseduze; ngoba uNkulunkulu wathi: Mhlawumbe abantu bazakuzisola nxa bebona impi, babuyele eGibithe.

U-Eksodasi 13:18

Kodwa uNkulunkulu wababhodisa ngendlela yasenkangala ngasoLwandle oluBomvu. AbakoIsrayeli baphuma elizweni laseGibithe behlomile.

U-Eksodasi 14:13

UMose wathi ebantwini: Lingesabi; manini liqine, libone ukukhulula kweNkosi ezakulenzela khona lamuhla; ngoba amaGibithe eliwabonayo lamuhla, kalisayikuwabona futhi.

U-Isaya 2:7

Ilizwe labo ligcwele isiliva legolide, lenotho yabo kayipheli; ilizwe labo ligcwele amabhiza, lenqola zabo zokulwa kazipheli.

UJeremiya 42:19

INkosi ithe kini, lina abaseleyo koJuda: Lingayi eGibithe. Yazini impela ukuba ngilixwayisile lamuhla.

UHezekhiyeli 17:15

Kodwa lowo wayivukela ngokuthuma izithunywa eGibithe, ukuba bamnike amabhiza lempi enkulu. Uzaphumelela na? Kambe umuntu owenza okunje angaphepha na? Angasaphula isivumelwano aphephe na?

UHosiya 11:5

Bazabuyela eGibithe, leAsiriya lizakuba yinkosi yabo, ngoba balile ukubuya kimi.

UHosiya 14:3

IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

UMikha 5:10

Kuzakuthi ngalezonsuku, itsho iNkosi, ngiqede amabhiza akho phakathi kwakho, ngichithe inqola zakho zokulwa,

UDutheronomi 28:68

INkosi izakulibuyisela eGibithe ngemikolo, ngendlela engatsho ngayo ukuthi: Kalisoze liyibone futhi. Lapho lizazama ukuzithengisa ezitheni zenu ukuba libe yizigqili lezigqilikazi, kodwa kakho ozakulithenga.

1 USamuyeli 8:11

Wathi kibo: Lezi zizakuba zindlela zenkosi ezalibusa; izathatha amadodana enu iwasebenzise enqoleni zayo zokulwa, iwenze abe ngabagadi bamabhiza ayo, lokuba agijime phambi kwezinqola zayo zokulwa.