UDutheronomi 17:12 - iBhayibhili Elingcwele 1978

¹² Umuntu oziqhenyayo ongalaleli umpristi ophetheyo inkonzo phambi kweNkosi uNkulunkulu wenu, longalaleli umahluleli, uzakubulawa. Ngalokhu lizakuqeda ububi koIsrayeli.

IBhayibhili Elingcwele LesiNdebele

¹² Indoda etshengisela ukudelela iseyisa umahluleli loba umphristi owenza umsebenzi wokukhonza khonapho uThixo uNkulunkulu wenu kumele ibulawe. Kumele lisuse bonke ububi phakathi kuka-Israyeli.

UDutheronomi 17:12 Mawu Ofanana

U-Ezra 10:8

lokuthi ongafikanga ngensuku ezintathu uzathathelwa impahla yakhe yonke, akhutshwe ebandleni labathunjiweyo abasebebuyile, ngesimiso sezinduna labadala.

AmaHubo 19:13

Ilondoloze inceku yakho lasezonweni zangabomu; kazingabusi phezu kwami. Ng’khona ngizakuba ngopheleleyo, ngingabi lacala eziphambekweni ezinkulu.

Izaga 21:11

Nxa isideleli sitshaywa, umuntu ongelalwazi uyahlakanipha; kodwa ohlakaniphileyo uyafunda nxa elaywa.

UHosiya 4:4

INkosi ithi: Kakungabi khona umuntu owethwesa omunye icala, lomangelela omunye, ngoba mina ngizakukwethwesa icala, wena mpristi.

UZakhariya 3:7

INkosi yamabandla ithi: Uba uzahamba endleleni zami, ugcine imilayo yami, uzaphatha indlu yami, ugcine lamaguma ami, ngizakukunika ilungelo lokungena phakathi kwabo abemiyo lapha.

AmaNani 15:30

Kodwa lowo owenza okubi ngabomu, loba engowokuzalwa elizweni loba engowemzini, uyahlambaza iNkosi; uzakukhutshwa ebantwini bakibo.

AmaNani 15:31

Ngoba edelele ilizwi leNkosi, wephula umlayo wayo, uzakukhutshwa sibili; ububi bakhe buzakuhlala kuye.

UMatewu 10:14

Lowo ongalamukeliyo, ongalaleli amazwi enu, kalibokuthi nxa liphuma kuleyondlu ingabe kulowomuzi, lithintithe uthuli enyaweni zenu.

ULukha 10:16

Olizwayo lina uyangizwa mina; olalayo lina uyangala mina; ongalayo mina uyamala ongithumileyo.

UJohane 12:48

Yena ongalayo engawamukeli amazwi ami, ulaye omlahlayo; ilizwi esengilikhulumile lizakumlahla ngosuku lokucina.

UJohane 20:23

Labo elibathethelela izono zabo zithethelelwe; lezono zalabo elizibambayo zibanjiwe.

1 AbaseKhorinte 5:13

KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.

UDutheronomi 1:43

Ngakhuluma lani sibili, kodwa kalilalelanga; lahlamuka elizwini leNkosi, laziqhenya, laya ezintabeni.

UDutheronomi 10:8

Ngalesosikhathi iNkosi yazahlukanisela isizwe sakoLevi ukuba sithwale umtshokotsho wesivumelwano seNkosi, lokuba sime phambi kweNkosi, siyikhonze, sibusise ngebizo layo, kuze kube lamuhla.

UDutheronomi 13:11

Wonke uIsrayeli uzakuzwa ngalokho, esabe, angabe esenza ububi obunjengalobo phakathi kwenu.

UDutheronomi 13:5

Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

UDutheronomi 13:6

Uba umfowenu, indodana kanyoko, loba indodana yakho, loba indodakazi yakho, loba umkakho omthandayo, ingabe umngane wakho othandeka kakhulu kuwe, ekuyenga ensitha esithi: Asihambe, siyekhonza abanye onkulunkulu; ongabaziyo wena labokhokho bakho,

UDutheronomi 17:13

Bonke abantu bazakuzwa, besabe, bangaphindi ukuziqhenya.

UDutheronomi 17:7

Ofakazi bazamtshaya kuqala ukumbulala, andubana bamtshaye abantu bonke. Ngalokhu lizakuqeda ububi phakathi kwenu.

UDutheronomi 18:20

Kodwa umprofethi okhuluma ilizwi ngokuziqhenya ebizweni lami engingamlayanga ukulikhuluma, loba ekhuluma ebizweni labanye onkulunkulu, lowomprofethi uzakufa.

UDutheronomi 18:5

Ngoba iNkosi uNkulunkulu wenu imkhethile kuzo zonke izizwe zenu ukuba eme, akhonze ebizweni leNkosi, yena lamadodana akhe njalonjalo.

UDutheronomi 18:7

uzakukhonza ebizweni leNkosi uNkulunkulu wakhe njengabo bonke abakoLevi abaphatha inkonzo phambi kweNkosi,

1 AbaseThesalonika 4:2

Ngoba liyayazi imilayo esalinika yona ngayo iNkosi uJesu.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 uTimothi 5:20

Abonayo ubasole phambi kwabo bonke ukuze besabe labanye.

UJoshuwa 1:18

Lowo odelela umlayo wakho engalaleli amazwi akho kukho konke omlaya khona uzabulawa. Qina kuphela, ume isibindi.

Abahluleli 20:13

Ngakhoke banikeleni labobantu ababi baseGibeya ukuze sibabulale, siqede okubi koIsrayeli. Kodwa abakoBenjamini kabalilalelanga ilizwi labafowabo, abantu bakoIsrayeli.

1 USamuyeli 3:13

Umtshele ukuthi sengizakuyijezisa indlu yakhe kokuphela, ngoba kwathi esazi ukuthi amadodana akhe ayehlambaza uNkulunkulu, kawakhuzanga.