UDutheronomi 16:16 - iBhayibhili Elingcwele 1978

¹⁶ Kathathu ngomnyaka bonke abesilisa benu bazakuza ukuyikhonza iNkosi uNkulunkulu wenu endaweni ezakuyikhetha, ngomkhosi wesinkwa esingelamvubelo, ngomkhosi wamaviki, langomkhosi wamadumba. Kabangezi ukuyidumisa iNkosi bengaphathanga lutho;

IBhayibhili Elingcwele LesiNdebele

¹⁶ Kathathu ngomnyaka, wonke amadoda kumele aziveze phambi kukaThixo uNkulunkulu wenu endaweni azayikhetha, eMkhosini weSinkwa esingelaMvubelo, eMkhosini wamaViki kanye leMkhosini weziHonqo. Akungabi lamuntu ozabuya phambi kukaThixo engaphathanga lutho:

UDutheronomi 16:16 Mawu Ofanana

1 AmaKhosi 9:25

Kathathu ngomnyaka uSolomoni wayenikela iminikelo yokutshiswa leminikelo yokuthula phezu kwealtare ayelakhele iNkosi, atshise impepha phambi kwayo. Waseyiqedake indlu.

2 ImiLando 8:13

njengokumiselwe lolo lalolosuku, wanikela njengokumiswe ngumlayo kaMose ngamaSabatha, langokuthwasa kwenyanga, langemikhosi emithathu yomnyaka, umkhosi wesinkwa esingelamvubelo, umkhosi wamaviki, lomkhosi wamadumba.

U-Ezra 3:1

Lapho isifikile inyanga yesikhombisa, labakoIsrayeli sebehlezi emizini yabo, abantu babuthana eJerusalema njengomuntu munye.

UNehemiya 8:15

lokuba bamemezele kuzwakale kuyo yonke imizi yabo laseJerusalema bathi: Yanini ezintabeni liyegamula ingatsha zezihlahla zamaoliva, lezamaphane, lezomtshekisane, lezamalala lezezinye izihlahla ezilamahlamvu amanengi ukuba lakhe amadumba, njengokulotshiweyo.

AmaHubo 122:4

lapho izizwe zenyukela khona, izizwe zeNkosi, njengokumiselwa kwabakoIsrayeli, ukuba zibonge ibizo leNkosi.

AmaHubo 84:7

Bayakhula emandleni, baze babonakale phambi kukaNkulunkulu eZiyone.

AmaHubo 84:8

Nkosi Nkulunkulu wamabandla, zwana umkhuleko wami, ulalele, wena Nkulunkulu kaJakobe.

AmaHubo 96:8

Inikeni iNkosi udumo olufanele ibizo layo; lethani umnikelo, lingene emagumeni ethempeli layo.

U-Eksodasi 34:20

Izibulo likababhemi ulihlenge ngezinyane; uba ungalihlengi ulephule intamo. Wonke amazibulo amadodana akho uzawahlenga; kungezi muntu phambi kwami engaphethe lutho.

U-Eksodasi 34:24

Ngoba ngizaxotsha izizwe phambi kwakho, ngandise imikhawulo yelizwe lakho; kakuyikuba lamuntu ofisa ilizwe lakho lapho wenyuka ukuyabonakala phambi kweNkosi uNkulunkulu wakho kathathu ngomnyaka.

U-Isaya 23:18

Intengo yalo lenzuzo yalo kuzakwahlukaniselwa iNkosi; kakuyikubuthelelwa kulondolozwe, kodwa kuzakuba ngokwabadumisa iNkosi, ukuba badle basuthe, bagqoke okuhle.

U-Isaya 33:20

Khangelani iZiyone, umuzi wemikhosi yethu emisiweyo; khangelani iJerusalema, indawo elivikelekileyo njengethente elingelakususwa, elizikhonkwane zalo kaziyikusitshulwa, lezintambo zalo ezingayikuqamuka.

UHezekhiyeli 36:38

ngangomhlambi womhlatshelo, ngangomhlambi eJerusalema ngesikhathi semikhosi emisiweyo. Ngokunjaloke imizi echithekileyo izagcwala abantu. Ng’khona bazakwazi ukuba ngiyiNkosi.

ULevi 23:34

Tshono ebantwini bakoIsrayeli uthi: Usuku lwetshumi lanhlanu lwenyanga le yesikhombisa luzakuba ngumkhosi wamadumba, ozagcinelwa iNkosi insuku eziyisikhombisa.

UHagayi 1:9

Beliqaphele okunengi, kodwa kube yingcosana elikuzuzileyo; lapho likuletha ekhaya, ngikuphephule konke. Kungani na? kutsho iNkosi yamabandla. Kungenxa yendlu yami elunxiwa, lina lilibele ngezindlu zenu.

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.

UMakho 12:3

Bayibamba, bayitshaya, bayimukisa ize.

UJohane 7:2

Wawusondele umkhosi wabaJuda, umkhosi wamadumba.

UDutheronomi 16:15

Insuku eziyisikhombisa lizayigcinela iNkosi uNkulunkulu wenu umkhosi endaweni ezayikhetha; ngoba izakulibusisa kuzo zonke izithelo zenu lakuwo wonke umsebenzi wezandla zenu, ukuba lithokoze kakhulu.

UDutheronomi 16:17

kodwa yilowo lalowo anike ngamandla akhe, lanjengesibusiso iNkosi uNkulunkulu wenu elinike sona.

UDutheronomi 31:11

lapho bonke abakoIsrayeli sebebuthene ukubonakala phambi kweNkosi uNkulunkulu wenu endaweni ezakuyikhetha, liwubale lumlayo phambi kwabo bonke abakoIsrayeli ukuba bawuzwe.

1 USamuyeli 1:3

Leyondoda yayejwayele ukusuka emzini wayo iminyaka yonke ukuyakhonza lokuhlabela iNkosi yamabandla umhlatshelo eShilo, lapho amadodana amabili kaEli, uHofini loFiniyasi, ayengabapristi beNkosi khona.

1 USamuyeli 6:3

Bathi: Uba lingawususa umtshokotsho kaNkulunkulu wakoIsrayeli, lingawuhambisi uze, kodwa libowubuyisela ulomnikelo wecala. Ng’khonake lizasila, kubonakale kini ukuba isandla sakhe kasisuki ngani.