UDutheronomi 16:10 - iBhayibhili Elingcwele 1978

¹⁰ Ng’khona lizakuyigcinela iNkosi uNkulunkulu wenu umkhosi wamaviki ngokupha umnikelo wesihle ngezandla zenu, liwunike njengokubusiswa kwenu yiNkosi uNkulunkulu wenu.

IBhayibhili Elingcwele LesiNdebele

¹⁰ Beselithakazelela uMkhosi wamaViki kuThixo uNkulunkulu wenu ngokupha umnikelo wokuzithandela kusiya ngezibusiso uThixo uNkulunkulu wenu aliphe zona.

UDutheronomi 16:10 Mawu Ofanana

1 ImiLando 29:14

Kodwa mina ngiyini, labantu bami bayini, ukuba sibe lamandla okunikela ngenhliziyo na? Ngoba zonke izinto zivela kuwe, sinikele kuwe okungokwakho.

2 ImiLando 31:14

UKore indodana kaImna umLevi, umgcini wesango langasempumalanga, wayephethe iminikelo yesihle kaNkulunkulu ukwaba iziphiwo ezinikelwe eNkosini lezinto ezingcwele kakhulu.

U-Eksodasi 35:29

AbakoIsrayeli baletha umnikelo wesihle eNkosini; bonke abesilisa labesifazana ababethunywa zinhliziyo zabo bawuletha ukuba ube ngowomsebenzi iNkosi eyayilaye uMose ngawo ukuze wenziwe.

Izaga 10:22

Ukubusisa kweNkosi kuyanothisa, kayengezi usizi kukho.

UJoweli 2:14

Mhlawumbe izaphenduka isihawukele, isitshiyele isibusiso, isibusiso somnikelo wempuphu lomnikelo wokunathwayo weNkosi, uNkulunkulu wenu.

ULevi 12:8

Uba esehluleka ukunikela ngemvu, kathathe amajuba amabili loba inkwilimba ezimbili, okunye kube ngumnikelo wokutshiswa lokunye kube ngumnikelo wesono, umpristi amenzele indlela yokubuyisana, ahlambuluke.

ULevi 23:15

Kusukela kulolosuku olulandela iSabatha, eliletha ngalo isithungo esizunguzwayo, balani amaviki ayisikhombisa,

ULevi 25:26

Uba umuntu engelaye ongalihlenga, kodwa abesenotha, athole okwanele ukulihlenga,

ULevi 5:7

Kodwa uba esehluleka ukuletha imvu, angaletha eNkosini ngesono asenzileyo amajuba amabili loba inkwilimba ezimbili, enye ibe ngumnikelo wesono lenye ibe ngumnikelo wokutshiswa;

AmaNani 28:26

Ngosuku lwezithelo zokuqala, lapho linikela ngomnikelo wamabele amatsha eNkosini emkhosini wenu wamaviki, lizakuba lenkonzo enkulu; lingenzi umsebenzi,

AmaNani 31:28

Theliselani iNkosi amabutho ayephumile impi, kube kunye emakhulwini wonke amahlanu awabantu lawezinkomo lawabobabhemi lawezimvu,

AmaNani 31:37

isabelo seNkosi sezimvu sasingamakhulu ayisithupha, lamatshumi ayisikhombisa lanhlanu.

1 AbaseKhorinte 16:2

Ngosuku lokuqala lweviki kakube yilowo lalowo azibekele aqogelele njengokuzuza kwakhe, ukuze kuthi nxa ngifikayo, kungabi yisikhathi sokubuthwa komnikelo.

2 AbaseKhorinte 8:10

Nanku ukubona kwami ngalindaba; ngithi kulilungele ukuba liwuqede lowomsebenzi elawuqalisa nyakenye, lalingabokuqala ukuwenza lokuthanda ukuwenza.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

UDutheronomi 16:11

Endaweni iNkosi ezakuyikhetha ukuba lidunyiselwe kiyo lizakuthokoza phambi kwayo lina lamadodana enu lamadodakazi enu, lenceku zenu lencekukazi zenu, lomLevi ohlala emizini yenu, lowezizweni, lentandane, lomfelwakazi, abahlala kini.

UDutheronomi 16:9

Kalibobala amaviki aba yisikhombisa, liwabale kusukela esikhathini eliqala ngaso ukuvuna amabele.