UDutheronomi 14:1 - iBhayibhili Elingcwele 1978

¹ Lina lingabantwana beNkosi uNkulunkulu wenu. Kaliyikuzisika, lingaziphuculi emabunzini enu ngenxa yabafileyo.

IBhayibhili Elingcwele LesiNdebele

¹ “Lingabantwana bakaThixo uNkulunkulu wenu. Lingabozisika loba liphuce amakhanda enu lizilela abafileyo,

UDutheronomi 14:1 Mawu Ofanana

UGenesisi 6:2

amadodana kaNkulunkulu abona amadodakazi abantu ukuthi mahle; athatha abafazi kuwo awathandayo.

UGenesisi 6:4

Ngalezonsuku kwakukhona iziqhwaga emhlabeni. Emva kokuba amadodana kaNkulunkulu aseyile emadodakazini abantu azala abantwana. Wona ayengamaqhawe asendulo engamadoda alodumo.

1 AmaKhosi 18:28

Bamemeza kakhulu, bazisika ngemihedla langemidikadika njengokwejwayela kwabo baze bopha igazi.

U-Isaya 63:16

Ngoba wena ungubaba, lanxa uAbrahama engasazi loIsrayeli engasivumi; wena Nkosi ungubaba, ibizo lakho linguMhlengi wethu kusukela endulo.

UJeremiya 16:6

Bazakufa bonke abakhulu labancinyane kulindawo; kabayikungcwatshwa, futhi kakulamuntu ozakubalilela kumbe azisike, loba agele ikhanda lakhe ngenxa yabo.

UJeremiya 3:19

Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UJeremiya 41:5

kwafika amadoda angamatshumi aficaminwembili evela eShekema leShilo leSamariya, ephucile indevu zawo, lezigqoko zawo zidatshuliwe, lemizimba yawo isikiwe, eletha iminikelo yempuphu kanye lempepha ukuyinikela ethempelini.

UJeremiya 47:5

IGaza ligelile ikhanda lalo, leAshikeloni liphelile. Lina baseleyo bamaAnaki lizazisika kuze kube nininini na?

UHosiya 1:10

Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.

ULevi 21:5

Kabayikuphuca amakhanda abo, bangageli indevu zabo, bangazisiki emizimbeni yabo.

UJohane 1:12

Kodwa bonke abamamukelayo wabapha amandla okuba ngabantwana bakaNkulunkulu, labo abakholwa ebizweni lakhe,

UJohane 11:52

angafeli isizwe kuphela, kodwa abuthele ndawonye abantwana bakaNkulunkulu abahlakazekileyo, babe munye.

AbaseRoma 8:16

Ngalokhuke nguMoya kaNkulunkulu uqobo ofakaza kanye lomoya wethu ukuthi singabantwana bakaNkulunkulu;

AbaseRoma 9:26

Lesahlukweni lapho kwathiwa kibo: Kalisibo abantu bami; lapha bazakubizwa ngokuthi ngamadodana kaNkulunkulu ophilayo.

AbaseRoma 9:4

Bona bangabakoIsrayeli, benziwa abantwana bakaNkulunkulu, ngeyabo inkazimulo, lezivumelwano, lokumiswa komlayo, lenkonzo, lezithembiso;

AbaseRoma 9:8

Lokhu kutsho ukuthi kakusibo abantwana benyama abangabantwana bakaNkulunkulu; kodwa abantwana besithembiso yibo abathiwa yinzalo kaAbrahama.

2 AbaseKhorinte 6:18

Ngizakuba nguYihlo wenu, lina libe ngamadodana lamadodakazi ami, kutsho iNkosi uSomandla.

AbaseGalathiya 3:26

Ngoba lina lonke lingabantwana bakaNkulunkulu ngokukholwa kuKristu Jesu.

UDutheronomi 13:18

uba lilalela ilizwi leNkosi uNkulunkulu wenu, ligcine yonke imithetho yayo engililaya yona lamuhla, lenze okulungileyo emehlweni ayo.

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?

1 AbaseThesalonika 4:13

Kasithandi, bazalwane, ukuba lingabi lakwazi ngalabo asebefile, ukuze lingadabuki njengabanye abangelalo ithemba.

AmaHebheru 2:10

Kwakumfanele uNkulunkulu, okukhona konke ngenxa yakhe lokukhona konke ngaye, ukuba, lapho eletha amadodana amanengi enkazimulweni, amphelelise ngezinhlupheko oyinkosi yokusiliswa kwabo.

1 UJohane 3:10

Ngalokhu kuyabonakala abantwana bakaNkulunkulu labantwana bakaSathane; lowo ongenzi okulungileyo kasuye okaNkulunkulu, laye ongamthandiyo umzalwane wakhe.

1 UJohane 5:2

Ngalokho siyazi ukuthi siyabathanda abantwana bakaNkulunkulu, nxa sithanda uNkulunkulu silalela imilayo yakhe.