UDutheronomi 13:5 - iBhayibhili Elingcwele 1978

⁵ Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

IBhayibhili Elingcwele LesiNdebele

⁵ Lowo mphrofethi loba lowomuntu wamaphupho akhe kumele abulawe, ngoba utshumayele wakhuthaza ukuhlamukela uThixo uNkulunkulu wenu, owalikhupha eGibhithe njalo walihlenga elizweni lobugqili; njalo ngumuntu obezama ukuliphambula endleleni uThixo uNkulunkulu wenu alilaya ngayo ukuba liyilandele. Kumele lihlambulule ububi phakathi kwenu.

UDutheronomi 13:5 Mawu Ofanana

1 AmaKhosi 13:19

Lowomuntu wakoJuda wasebuyela laye, wadla ukudla, wanatha amanzi endlini yakhe.

1 AmaKhosi 18:40

UElija wasesithi kibo: Babambeni abaprofethi bakaBali, kungaphunyuki loyedwa wabo. Basebebabamba. UElija wabehlisela esifuleni iKishoni, wababulalela khona.

2 ImiLando 34:31

Inkosi yema endaweni yayo, yenza isivumelwano phambi kweNkosi ukuba izayilalela, igcine imilayo yayo lemithetho yayo ngenhliziyo yayo yonke langomoya wayo wonke, yenze okutshiwo ngamazwi esivumelwano ayelotshiwe kulolugwalo.

UJeremiya 14:15

Ngalokhoke iNkosi ithi mayelana labaprofethi abatshumayela ngebizo lami bona ngingabathumanga, abathi: Impi lendlala kakuyikufika kulelilizwe. Labobaprofethi bazaqedwa ngumkhonto lendlala;

UJeremiya 29:32

ngakho ngizamtshaya yena kanye lenzalo yakhe; kakuyikuba lamuntu wakwakhe ozasala phakathi kwalababantu abone okuhle engizakukwenzela abantu bami, ngoba ukhulumile ukuhlamuka kimi, kutsho iNkosi.

UJeremiya 50:6

Abantu bami bebeyizimvu ezilahlekileyo; abelusi babo babaduhisile, bebebalusela ezintabeni; besuka entabeni besiya kwenye, bakhohlwa isibaya sabo.

UJeremiya 7:23

Kodwa ngabalaya lokhu kuphela ngathi: Lalelani ilizwi lami, ngizakuba nguNkulunkulu wenu, lina libe ngabantu bami, lihambe ngezindlela engililaya zona, ukuze kulilungele.

UZakhariya 13:3

Uba kuvela futhi umuntu ongumprofethi, uyise lonina abamzalayo bazakuthi kuye: Kawuyikuphila, ngoba ukhuluma amanga ebizweni leNkosi. Uyise lonina abamzalayo bamgwaze esaprofetha.

Imisebenzi 13:8

Lesisanuse, uEluma, ngoba litsho njalo ibizo lakhe, waphikisana labo efisa ukuphambukisa umbusi ekukholweni.

1 AbaseKhorinte 5:13

KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.

UDutheronomi 13:10

Mkhande ngamatshe aze afe, ngoba ubezama ukukuduhisa eNkosini uNkulunkulu wakho, eyakukhupha eGibithe, endaweni yobugqili.

UDutheronomi 13:15

bulalani abantu balowomuzi ngomkhonto, liwuchithe impela, lakho konke okukuwo lezinkomo zakhona.

UDutheronomi 13:9

kodwa umbulale; isandla sakho simtshaye kuqala ukumbulala, andubana zimtshaye izandla zabantu bonke.

UDutheronomi 17:5

lizakuthatha lowomuntu owenze okubi lokho, limuse emasangweni enu, limkhande ngamatshe aze afe.

UDutheronomi 17:7

Ofakazi bazamtshaya kuqala ukumbulala, andubana bamtshaye abantu bonke. Ngalokhu lizakuqeda ububi phakathi kwenu.

UDutheronomi 18:20

Kodwa umprofethi okhuluma ilizwi ngokuziqhenya ebizweni lami engingamlayanga ukulikhuluma, loba ekhuluma ebizweni labanye onkulunkulu, lowomprofethi uzakufa.

UDutheronomi 19:19

lizakwenza kuye lokho abefisa ukwenza kumfowabo; ngalokhu lizakuqeda ububi phakathi kwenu.

UDutheronomi 22:21

bazayisa ngasemnyango wendlu kayise, amadoda omuzi wakibo ayikhande ngamatshe ayibulale; ngoba yenzile okubi koIsrayeli ngokwenza ubuwule endlini kayise. Ngalokhu lizakuqeda ububi phakathi kwenu.

UDutheronomi 22:24

lizakubakhuphela ngasesangweni lalowomuzi bobabili, libakhande ngamatshe libabulale; likhande ngamatshe intombi ngoba ingahlabanga umkhosi lanxa ibiphakathi komuzi, lendoda ngoba imonile umkamakhelwana wakhe. Ngalokhu lizaqeda ububi phakathi kwenu.

UDutheronomi 24:7

Uba umuntu efunyanwa ethumba omunye wabakibo koIsrayeli, amphathe njengesigqili loba amthengise, lowomuntu uzakubulawa. Ngalokhu lizaqeda ububi phakathi kwenu.

UDutheronomi 26:14

Kangidlanga lokukodwa okwetshumi lapho bengilila, kangikuthathanga lapho bengingcolile, kangikunikelanga kofileyo; ngililalele ilizwi leNkosi uNkulunkulu wami, ngenzile njengokungilaya kwakho.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

UDutheronomi 7:4

Ngoba amadodana akho azakuphanjulwa yizo ekuyilandeleni iNkosi, ukuze akhonze abanye onkulunkulu, INkosi ikuthukuthelele, ikubhubhise masinyane.

UJoshuwa 23:8

kodwa libambelele eNkosini uNkulunkulu wenu njengoba lenzile kuze kube lamhla.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Abahluleli 20:13

Ngakhoke banikeleni labobantu ababi baseGibeya ukuze sibabulale, siqede okubi koIsrayeli. Kodwa abakoBenjamini kabalilalelanga ilizwi labafowabo, abantu bakoIsrayeli.

1 USamuyeli 12:14

Uba liyesaba iNkosi uNkulunkulu liyikhonza, lilalela ilizwi layo, lingayihlamuki imilayo yayo, uba lina lenkosi elibusayo lilandela iNkosi uNkulunkulu wenu, kuzalilungela.