UDutheronomi 13:4 - iBhayibhili Elingcwele 1978

⁴ Kodwa lizakulandela iNkosi uNkulunkulu wenu, liyesabe, ligcine imithetho yayo, lilalele ilizwi layo, liyikhonze, libambelele kuyo.

IBhayibhili Elingcwele LesiNdebele

⁴ NguThixo uNkulunkulu wenu okumele limlandele, kanti nguye uqobo okumele limesabe. Gcinani imilayo yakhe njalo limlalele; mkhonzeni libambelele liqine kuye.

UDutheronomi 13:4 Mawu Ofanana

2 AmaKhosi 23:3

Inkosi yema ngasensikeni, yenza isivumelwano phambi kweNkosi uNkulunkulu sokuyilandela lokugcina imilayo yayo lemithetho yayo lezimiso zayo ngenhliziyo yayo yonke langomoya wayo wonke, lokwenza okutshiwo ngamazwi alesisivumelwano alotshiweyo encwadini. Bonke abantu bangena esivumelwaneni.

2 ImiLando 34:31

Inkosi yema endaweni yayo, yenza isivumelwano phambi kweNkosi ukuba izayilalela, igcine imilayo yayo lemithetho yayo ngenhliziyo yayo yonke langomoya wayo wonke, yenze okutshiwo ngamazwi esivumelwano ayelotshiwe kulolugwalo.

UJeremiya 7:23

Kodwa ngabalaya lokhu kuphela ngathi: Lalelani ilizwi lami, ngizakuba nguNkulunkulu wenu, lina libe ngabantu bami, lihambe ngezindlela engililaya zona, ukuze kulilungele.

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

1 AbaseKhorinte 6:17

Kodwa ohlangene leNkosi ungumoya munye layo.

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

UDutheronomi 11:1

Ngakhoke kalibothanda iNkosi uNkulunkulu wenu, ligcine ilizwi layo lezimiso zayo lezahlulelo zayo lemithetho yayo insuku zonke.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

UDutheronomi 6:5

Wothanda iNkosi uNkulunkulu wakho ngenhliziyo yakho yonke langomoya wakho wonke langamandla akho wonke.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

2 UJohane 1:6

Yilolu uthando ukuba sihambe ngemilayo yakhe; yilo umlayo ukuba lihambe ngothando, njengoba lawuzwa kusukela ekuqaleni.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.