UDutheronomi 13:11 - iBhayibhili Elingcwele 1978

¹¹ Wonke uIsrayeli uzakuzwa ngalokho, esabe, angabe esenza ububi obunjengalobo phakathi kwenu.

IBhayibhili Elingcwele LesiNdebele

¹¹ Ngalokho wonke u-Israyeli uzakuzwa esabe, kakho loyedwa phakathi kwenu ozake aphinde enze into enjalo futhi.

UDutheronomi 13:11 Mawu Ofanana

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

Izaga 19:25

Tshaya isideleli ukuba ongelalwazi abe lengqondo ehlakaniphileyo; laya oqedisisayo, afunde kuhle.

Izaga 21:11

Nxa isideleli sitshaywa, umuntu ongelalwazi uyahlakanipha; kodwa ohlakaniphileyo uyafunda nxa elaywa.

ULevi 20:2

Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

AmaNani 25:4

INkosi yathi kuMose: Thatha zonke inhloko zabantu, uziphanyeke phambi kweNkosi ngesikhathi sokutshisa kwelanga, ukuba intukuthelo yayo evuthayo iphele koIsrayeli.

UDutheronomi 13:12

Uba lisizwa komunye wemizi yakini, elinika yona iNkosi uNkulunkulu wenu ukuba lihlale kiyo,

UDutheronomi 17:13

Bonke abantu bazakuzwa, besabe, bangaphindi ukuziqhenya.

UDutheronomi 19:20

Abanye bazakuzwa ngalokho, besabe, bangabe besenza okubi okunje phakathi kwenu.

UDutheronomi 21:21

Ng’khona wonke amadoda alowomuzi azayikhanda ngamatshe. Ngalokho lizaqeda ububi phakathi kwenu; wonke uIsrayeli uzakuzwa, esabe.

1 uTimothi 5:20

Abonayo ubasole phambi kwabo bonke ukuze besabe labanye.

UJoshuwa 7:25

UJoshuwa wathi kuye: Usihlupheleni na? INkosi kayikulethele inhlupheko lamuhla. Bonke abakoIsrayeli bamkhanda ngamatshe waze wafa; babakhanda ngamatshe abendlu yakhe, babatshisa ngomlilo.