UDutheronomi 13:10 - iBhayibhili Elingcwele 1978

¹⁰ Mkhande ngamatshe aze afe, ngoba ubezama ukukuduhisa eNkosini uNkulunkulu wakho, eyakukhupha eGibithe, endaweni yobugqili.

IBhayibhili Elingcwele LesiNdebele

¹⁰ Mkhandeni ngamatshe limbulale, ngoba uzame ukuliphambula elisusa kuThixo uNkulunkulu wenu, owalikhupha eGibhithe, walikhupha elizweni lobugqili.

UDutheronomi 13:10 Mawu Ofanana

2 AmaKhosi 11:18

Bonke abantu baya endlini kaBali, bayidilizela phansi, badiliza lama‐altare akhe lezithombe zakhe, babulala uMathani umpristi kaBali phambi kwama‐altare. UJehoyada wabeka abalindi ethempelini.

2 ImiLando 24:21

Basebemenzela icebo; belaywe yinkosi uJowashi, bamkhanda uZekariya ngamatshe egumeni lethempeli.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Eksodasi 32:27

Wathi kuwo: INkosi uNkulunkulu kaIsrayeli ithi: Ilowo lalowo phakathi kwenu kahlome umkhonto wakhe, azule lamathente, asuke kwelinye isango aye kwelinye, abulale umfowabo lomngane wakhe lomakhelwana wakhe.

ULevi 20:2

Tshono ebantwini bakoIsrayeli uthi: Yilowo lalowo wabakoIsrayeli, loba owabezizweni abahlala koIsrayeli, onikela ngabantwana bakhe kunkulunkulu uMoloki, kabulawe, abantu belizwe bamkhande ngamatshe.

ULevi 20:27

Owesilisa lowesifazana abalamadlozi loba abayizanuse, kababulawe, bakhandwe ngamatshe, bafanele ukufa.

ULevi 24:23

UMose wakhulumake ebantwini bakoIsrayeli. Bamkhuphela ngaphandle kwezihonqo lowo owathukayo, bamkhanda ngamatshe. Abantu bakoIsrayeli benza njengokutsho kweNkosi kuMose.

UDutheronomi 13:5

Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

UDutheronomi 17:5

lizakuthatha lowomuntu owenze okubi lokho, limuse emasangweni enu, limkhande ngamatshe aze afe.

UDutheronomi 17:7

Ofakazi bazamtshaya kuqala ukumbulala, andubana bamtshaye abantu bonke. Ngalokhu lizakuqeda ububi phakathi kwenu.

UDutheronomi 21:21

Ng’khona wonke amadoda alowomuzi azayikhanda ngamatshe. Ngalokho lizaqeda ububi phakathi kwenu; wonke uIsrayeli uzakuzwa, esabe.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.

UJoshuwa 7:25

UJoshuwa wathi kuye: Usihlupheleni na? INkosi kayikulethele inhlupheko lamuhla. Bonke abakoIsrayeli bamkhanda ngamatshe waze wafa; babakhanda ngamatshe abendlu yakhe, babatshisa ngomlilo.