UDutheronomi 12:7 - iBhayibhili Elingcwele 1978

⁷ lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

IBhayibhili Elingcwele LesiNdebele

⁷ Khonapho, phambi kukaThixo uNkulunkulu wenu, lina kanye labantwabenu lizakudla njalo lijabule ngakho konke elike labeka izandla zenu kukho, ngoba uThixo uNkulunkulu wenu ulibusisile.

UDutheronomi 12:7 Mawu Ofanana

1 ImiLando 29:22

Badla banatha phambi kweNkosi uNkulunkulu ngalolosuku ngokuthokoza okukhulu. Basebembeka okwesibili uSolomoni indodana kaDavida ukuba abe yinkosi, bamgcoba waba ngumbusi ongoweNkosi, loZadoki bamgcoba waba ngumpristi.

UNehemiya 8:9

UNehemiya owayengumbusi, loEzra umpristi lombhali, lamaLevi ayefundisa abantu, bathi ebantwini bonke: Lolu lusuku olungcwele eNkosini uNkulunkulu wenu; lingalili likhale. Ngoba bonke abantu bakhala lapho besizwa amazwi omlayo.

UmTshumayeli 3:12

Ngiyazi ukuthi kakukho okungcono kuye ukwedlula ukuthaba lokuzithokozisa esaphila,

UmTshumayeli 3:13

lokuthi kuyisipho sikaNkulunkulu ebantwini ukuba bonke badle banathe bazithokozise ngomsebenzi wabo.

UmTshumayeli 5:18

Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.

U-Isaya 23:18

Intengo yalo lenzuzo yalo kuzakwahlukaniselwa iNkosi; kakuyikubuthelelwa kulondolozwe, kodwa kuzakuba ngokwabadumisa iNkosi, ukuba badle basuthe, bagqoke okuhle.

U-Isaya 62:9

kodwa labo abawavunileyo bazakuwadla badumise iNkosi; lalabo abazibuthayo izithelo zevini bazanatha iwayini emagumeni endlu yami engcwele.

UHezekhiyeli 44:3

Yisikhulu sodwa esingahlala kilo sidle isinkwa phambi kweNkosi. Sizangena ngendlela yendlu esekungeneni kwesango, siphume ngayo futhi.

UJoweli 1:16

Kakuphelanga ukudla kwethu na? Lokuthaba lokuthokoza kakuphelanga endlini kaNkulunkulu na?

UJoweli 2:26

Lizakudla okunengi, lisuthe, lidumise ibizo leNkosi, uNkulunkulu wenu, oliphethe ngokumangalisayo. — Abantu bami kabasayikuphinda bayangiswe futhi —

ULevi 23:40

Ngosuku lokuqala thathani izithelo zezihlahla ezinhle, lezingatsha zamalala, lezingatsha zezihlahla ezilamahlamvu amanengi, lemidubu yemifula, lithabe phambi kweNkosi uNkulunkulu wenu insuku eziyisikhombisa.

UMalaki 2:13

Lalokhu futhi liyakwenza. Lithela ialtare leNkosi ngenyembezi, likhale, libubule, ngoba ingasawunanzi umnikelo, ungasamukeleki kuyo.

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 12:18

kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo.

UDutheronomi 12:8

Kaliyikwenza njengokwenza kwethu konke esikwenzayo lamuhla, yilowo lalowo wenza okulungileyo emehlweni akhe;

UDutheronomi 14:23

Phambi kweNkosi uNkulunkulu wenu, endaweni ezakuyikhetha ukuba idunyiselwe kiyo, lizakudla okwetshumi kwamabele enu lokwewayini lenu lokwamagcobo enu, lamazibulo enkomo zenu lawezimvu zenu, ukuba lifunde ukuyesaba iNkosi uNkulunkulu wenu njalonjalo.

UDutheronomi 14:26

lithenge ngaleyomali lokho elikufisayo, izinkabi loba izimvu loba iwayini loba utshwala, loba kuyini inhliziyo yenu ekufisayo; lidle khona phambi kweNkosi uNkulunkulu wenu, lithabe lina labendlu zenu.

UDutheronomi 15:20

Lizakulidla lina labezindlu zenu phambi kweNkosi uNkulunkulu wenu iminyaka ngeminyaka endaweni iNkosi ezakuyikhetha.

UDutheronomi 26:11

uthokoze ngakho konke okuhle iNkosi uNkulunkulu wakho ekunike khona wena labendlu yakho, uthabe kanye lomLevi lowemzini ohlala lawe.

UDutheronomi 27:7

linikele iminikelo yokuthula, lidle lapho, lithokoze phambi kweNkosi uNkulunkulu wenu.

UDutheronomi 28:47

Njengoba lingayikhonzanga iNkosi uNkulunkulu wenu ngokuthokoza langenhliziyo ejabulayo ngenxa yobunengi bempahla yenu yonke,

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.