UDutheronomi 12:30 - iBhayibhili Elingcwele 1978

³⁰ qaphelani ukuba lingakhohliswa lizilandele emva kokuchithwa kwazo ngaphambi kwenu, lokuba lingabuzi ngonkulunkulu bazo lithi: Izizwe lezi zazikhonza kanjani onkulunkulu bazo na? Lathi sizakwenza njalo.

IBhayibhili Elingcwele LesiNdebele

³⁰ njalo nxa sezichithiwe phambi kwenu, liqaphele lingahugeki ngokubuza ngabonkulunkulu bazo lisithi, ‘Kanti zona lezizizwe zibakhonza njani onkulunkulu bazo? Lathi sizakwenza okufananayo.’

UDutheronomi 12:30 Mawu Ofanana

2 AmaKhosi 16:10

Kwathi lapho inkosi uAhazi esiya eDamaseko ukuhlangana loTigilathi‐Pileseri inkosi yaseAsiriya, wabona ialtare elaliseDamaseko. Wasethumela kuUriya umpristi isimo salo lomfanekiso walo njengokwenziwa kwalo konke.

2 AmaKhosi 17:15

Badelela izimiso zayo lesivumelwano eyasenza lokhokho babo lezixwayiso eyabanika zona. Balandela izithombe ezilize, labongokwabo baba yilize, balandela izizwe ezazibahanqile iNkosi eyayibatshele ukuba bangenzi njengazo.

U-Eksodasi 23:24

Ungakhothameli onkulunkulu babo, ungabakhonzi, ungenzi njengokwenza kwabo; kodwa ubachithe impela, ubhidlize insika ezingcwele zabo.

UJeremiya 10:2

INkosi ithi: Lingayifundi indlela yabezizwe, lingatshaywa luvalo ngezibonakaliso zaphezulu, ngoba bona abezizweni bayazesaba;

UHezekhiyeli 11:12

Lizakwazi ukuba ngiyiNkosi. Ngoba kalihambanga ngezimiso zami, lemithetho yami kaliyenzanga, kodwa lenze imithetho yezizwe ezilihanqileyo.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 20:32

Umcabango elilawo kawuyikwenzeka othi: Asifane lezizwe, labantu bamanye amazwe abakhonza isigodo lelitshe.

ULevi 18:3

Lingenzi njengokwenza kwamaGibithe lapho lalihlala khona, lingenzi futhi njengokwenza kwamaKanani engiliholela kuwo. Lingahambi ngemithetho yabo.

ULevi 18:30

Ngakhoke gcinani imilayo yami ukuba lingenzi lalinye lalawomasiko amabi ayesenziwa ngaphambi kwenu, lingazingcolisi ngawo. NgiyiNkosi uNkulunkulu wenu.

AmaNani 33:52

xotshani bonke abakhileyo elizweni phambi kwenu, libulale wonke amatshe abo alemifanekiso, lichithe zonke izithombe zabo ezibunjiweyo, livale zonke indawo zabo eziphakemeyo zokukhonzela,

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

Abase-Efesu 4:17

Ngakhoke ngiyaqinisa, ngifakaza lokhu eNkosini, ngithi lingabe lisahamba ngokuhamba kwabezizwe ebuzeni bengqondo yabo.

UDutheronomi 11:16

Qaphelani, funa inhliziyo zenu zikhohliseke, liphambuke, likhonze abanye onkulunkulu, libadumise,

UDutheronomi 12:29

Lapho iNkosi uNkulunkulu wenu ichitha izizwe phambi kwenu eliya kuzo ukuzinqoba, lalapho selizithumbile lahlala elizweni lazo,

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

UDutheronomi 18:9

Lapho selifikile elizweni iNkosi uNkulunkulu wenu elinika lona, lingafundi ukwenza imikhuba enengekayo yalezozizwe.

UDutheronomi 20:18

ukuba bangalifundisi ukwenza imikhuba yabo enengekayo, abayenza ekukhonzeni kwabo onkulunkulu babo, lone eNkosini uNkulunkulu wenu.

UDutheronomi 7:16

Lizakubachitha bonke abantu ezakubanikela kini iNkosi uNkulunkulu wenu; lingabahawukeli, lingakhonzi onkulunkulu babo, ngoba lokhu kuzakuba ngumjibila kini.