UDutheronomi 12:14 - iBhayibhili Elingcwele 1978

¹⁴ kodwa kuleyondawo iNkosi ezakuyikhetha kwesinye sezizwe zakini nikelani lapho iminikelo yenu yokutshiswa, lenze konke engililaya khona.

IBhayibhili Elingcwele LesiNdebele

¹⁴ Nikelelani kuphela endaweni uThixo azayikhetha phakathi kwezizwana zenu kuthi selilapho linanzelele konke engililaya ngakho.

UDutheronomi 12:14 Mawu Ofanana

1 AmaKhosi 12:27

uba lababantu besiyanikela imihlatshelo ethempelini eJerusalema, inhliziyo zabo zizabuyela futhi enkosini yabo, uRehobowamu inkosi yakoJuda, bangibulale babuyele kuye.

1 AmaKhosi 8:29

Ebusuku lemini amehlo akho kawakhangele lindlu, indawo owatsho ngayo ukuthi: Ibizo lami lizakudunyiswa lapho; ukuze uwuzwe umkhuleko wenceku yakho ikhangele kulindawo.

2 AmaKhosi 18:22

Uba lisithi kimi: Thina sithemba iNkosi uNkulunkulu wethu; kanti angithi yiyo elezindawo zayo eziphakemeyo zokukhonzela lama‐altare ayo uHezekiya awasusileyo, wathi ebantwini bakoJuda labaseJerusalema: Lizakhonza phambi kwaleli ialtare eliseJerusalema?

1 ImiLando 22:1

UDavida wasesithi: Le izakuba yindlu yeNkosi uNkulunkulu, laleli libe lialtare lomnikelo wokutshiswa kaIsrayeli.

AmaHubo 5:7

Kodwa mina ngizakungena endlini yakho ngobukhulu besihawu sakho, ngikhothame ngokuhlonipha, ngikhangele ethempelini lakho elingcwele.

AmaHubo 9:11

Hlabelani lidumise iNkosi ehlezi eZiyone, limemezele phakathi kwabantu izenzo zayo.

ULevi 17:3

Uba umuntu wendlu kaIsrayeli ehlaba inkabi loba imvu loba imbuzi ezihonqweni, ingabe ngaphandle kwezihonqo,

ULevi 17:4

angayilethanga emnyango wethente lokuhlangana ukuba anikele ngayo eNkosini ngaphambi kweTabernakeli leNkosi, uzakuba lecala legazi, ngoba echithile igazi; uzakukhutshwa ebantwini bakibo.

2 AbaseKhorinte 5:19

okuyikuthi uNkulunkulu wayekuKristu ebuyisana lomhlaba, engababaleli iziphambeko zabo, lokuthi wanika thina ilizwi lokubuyisana

UDutheronomi 12:11

kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini.

UDutheronomi 12:13

Qaphelani ukuba linganikeli iminikelo yenu yokutshiswa endaweni zonke elizibonayo;

UDutheronomi 12:15

Kantike lingahlaba lidle inyama enengi phakathi kwayo yonke imizi yenu njengokufisa kwenu, lanjengesibusiso seNkosi uNkulunkulu wenu elinike sona; abangahlambulukanga labahlambulukileyo bangadla inyama yomziki leyempala.

UDutheronomi 12:18

kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UDutheronomi 14:23

Phambi kweNkosi uNkulunkulu wenu, endaweni ezakuyikhetha ukuba idunyiselwe kiyo, lizakudla okwetshumi kwamabele enu lokwewayini lenu lokwamagcobo enu, lamazibulo enkomo zenu lawezimvu zenu, ukuba lifunde ukuyesaba iNkosi uNkulunkulu wenu njalonjalo.

UDutheronomi 15:20

Lizakulidla lina labezindlu zenu phambi kweNkosi uNkulunkulu wenu iminyaka ngeminyaka endaweni iNkosi ezakuyikhetha.

UDutheronomi 16:2

Lizakuthatha ezimvini zenu loba ezinkomeni zenu, linikele umhlatshelo wePhasika eNkosini uNkulunkulu wenu endaweni iNkosi ezakuyikhetha ukuba idunyiselwe kiyo.

UDutheronomi 17:8

Uba kulethwa kini indaba elahlulayo ekwahluleleni kwenu, indaba yokubulala, loba eyelungelo lomuntu, loba eyokutshayana, loba izindaba zokuphikisana emizini yenu, lizakusuka liye endaweni iNkosi uNkulunkulu wenu ezakuyikhetha,

UDutheronomi 18:6

Uba umLevi ohlala loba kuwuphi umuzi wakoIsrayeli ezimisela ukuya endaweni iNkosi ezakuyikhetha,

UDutheronomi 31:11

lapho bonke abakoIsrayeli sebebuthene ukubonakala phambi kweNkosi uNkulunkulu wenu endaweni ezakuyikhetha, liwubale lumlayo phambi kwabo bonke abakoIsrayeli ukuba bawuzwe.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

UJoshuwa 22:29

Kakube khatshana lathi ukuba siyihlamuke iNkosi, lokuba siphambuke lamhla ekuyilandeleni ngokwakha ialtare lomnikelo wokutshiswa lomnikelo wempuphu lomhlatshelo, elingesilo ialtare leNkosi uNkulunkulu wethu elimi phambi kweTabernakeli layo.

UJoshuwa 9:27

Kodwa uJoshuwa wabenza ukuba balithezele inkuni balikhele amanzi ibandla kanye lealtare leNkosi; bakwenza lokho kuze kube lamhla endaweni iNkosi eyayikhethayo.