UDutheronomi 12:12 - iBhayibhili Elingcwele 1978

¹² Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

IBhayibhili Elingcwele LesiNdebele

¹² Khona lapho lijabule phambi kukaThixo uNkulunkulu wenu, lina, amadodana lamadodakazi enu, izinceku lezincekukazi zenu, kanye labaLevi abavela emadolobheni enu, abangelasabelo loba ilifa abaliphiwayo libe ngelabo.

UDutheronomi 12:12 Mawu Ofanana

1 AmaKhosi 8:66

Ngosuku lwesificaminwembili uSolomoni wabadabulela abantu; bambonga, baya emizini yabo bethokoza bejabula enhliziyweni ngakho konke okuhle iNkosi uNkulunkulu eyayikwenzele uDavida inceku yayo loIsrayeli abantu bayo.

2 ImiLando 29:36

UHezekiya labantu bonke bathokoza ngalokho uNkulunkulu abenzele khona, lokuthi kwenzakala masinyane.

UNehemiya 8:9

UNehemiya owayengumbusi, loEzra umpristi lombhali, lamaLevi ayefundisa abantu, bathi ebantwini bonke: Lolu lusuku olungcwele eNkosini uNkulunkulu wenu; lingalili likhale. Ngoba bonke abantu bakhala lapho besizwa amazwi omlayo.

AmaHubo 147:1

Dumisani iNkosi! Ngoba kuhle ukudumisa uNkulunkulu wethu, kuhle ukumdumisa, njalo kufanele.

ULevi 23:40

Ngosuku lokuqala thathani izithelo zezihlahla ezinhle, lezingatsha zamalala, lezingatsha zezihlahla ezilamahlamvu amanengi, lemidubu yemifula, lithabe phambi kweNkosi uNkulunkulu wenu insuku eziyisikhombisa.

AmaNani 18:20

INkosi yathi kuAroni: Kawuzukuba lelifa elizweni lakini, kawuzukuba lesabelo selizwe phakathi kwabo; mina ngiyisabelo sakho lelifa lakho phakathi kwabantu bakoIsrayeli.

AmaNani 18:26

Futhi uzakuthi kumaLevi: Nxa lithatha ebantwini bakoIsrayeli okwetshumi engilinike khona, kuvela kubo kube ngokwenu, lizakuthatha okunye kukho, likunikele eNkosini, kube ngokwetshumi kokwetshumi.

UJohane 13:8

UPetro wathi kuye: Kawusoze ugezise inyawo zami lanini. UJesu wamphendula wathi: Uba ngingakugezisi, kawulasabelo lami.

Imisebenzi 8:21

Ngoba kawulasabelo lelifa kulelilizwi, ngoba inhliziyo yakho kayilunganga phambi kukaNkulunkulu.

UDutheronomi 10:9

Ngalokhu amaLevi kawalasabelo selizwe kanye labafowabo; iNkosi iyisabelo sawo, njengokutsho kweNkosi uNkulunkulu wenu kuwo. —

UDutheronomi 12:18

kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo.

UDutheronomi 12:19

Qaphelani ukuba lingamkhohlwa umLevi isikhathi sonke sokuhlala kwenu elizweni lakini.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 14:29

UmLevi, lokhu engelasabelo kini, kanye lowemzini, lentandane, lomfelwakazi abaphakathi kwemizi yenu bazakuza, badle, basuthe, ukuba iNkosi uNkulunkulu wenu ilibusise kuwo wonke umsebenzi wezandla zenu.

UDutheronomi 16:11

Endaweni iNkosi ezakuyikhetha ukuba lidunyiselwe kiyo lizakuthokoza phambi kwayo lina lamadodana enu lamadodakazi enu, lenceku zenu lencekukazi zenu, lomLevi ohlala emizini yenu, lowezizweni, lentandane, lomfelwakazi, abahlala kini.

UDutheronomi 16:14

lithabe emkhosini lina lamadodana enu lamadodakazi enu, lenceku zenu lencekukazi zenu, lomLevi, lowezizweni, lentandane, lomfelwakazi, abahlala emizini yenu.

UDutheronomi 18:6

Uba umLevi ohlala loba kuwuphi umuzi wakoIsrayeli ezimisela ukuya endaweni iNkosi ezakuyikhetha,

UDutheronomi 26:11

uthokoze ngakho konke okuhle iNkosi uNkulunkulu wakho ekunike khona wena labendlu yakho, uthabe kanye lomLevi lowemzini ohlala lawe.

UDutheronomi 26:12

Lapho usuqedile ukunika okwetshumi kwezithelo zakho ngomnyaka wesithathu, ongumnyaka wokunika okwetshumi, usukunike umLevi lowemzini lentandane lomfelwakazi ukuba badle basuthe emizini yakho,

UDutheronomi 27:7

linikele iminikelo yokuthula, lidle lapho, lithokoze phambi kweNkosi uNkulunkulu wenu.

UJoshuwa 13:14

Yisizwe sakoLevi sodwa uMose angasinikanga isabelo selizwe; iNkosi uNkulunkulu kaIsrayeli iyisabelo saso, njengokutsho kwayo kuye.

UJoshuwa 13:33

Kodwa isizwe sakoLevi uMose kasinikanga sabelo selizwe; iNkosi, uNkulunkulu kaIsrayeli, iyisabelo saso, njengokutsho kwayo kuso.

UJoshuwa 14:4

AbakoJosefa babeyizizwe ezimbili, abakoManase labakoEfrayimi. AbakoLevi kabanikwanga sabelo elizweni, kodwa banikwa imizi ukuhlala kiyo, lamadlelo ezinkomo zabo lezifuyo zabo.