UDutheronomi 11:21 - iBhayibhili Elingcwele 1978

²¹ ukuba zande insuku zenu lensuku zabantwana benu elizweni iNkosi eyafunga kubokhokho benu ukubanika lona, lapho kusekhona amazulu phezu komhlaba.

IBhayibhili Elingcwele LesiNdebele

²¹ ukuze kuthi insuku zenu kanye lezabantwabenu zande elizweni uThixo afunga ukulinika okhokho benu, kuze kube laphakade.

UDutheronomi 11:21 Mawu Ofanana

AmaHubo 72:5

Kayihlale njalo lisekhona ilanga, kusekhona lenyanga, kuzo zonke izizukulwana.

AmaHubo 89:30

Uba abantwana bakhe bewutshiya umlayo wami, bangahambi ngokwezimiso zami,

Izaga 3:16

Kukhona ukuphila okude esandleni sakho sokunene, lenotho lodumo esandleni sakho sokhohlo.

Izaga 3:2

ngoba izakukulethela insuku ezinengi zokuphila, leminyaka eminengi kanye lempumelelo.

Izaga 4:10

Zwana, mntanami, wamukele amazwi ami, ukuba uphile iminyaka eminengi.

Izaga 9:11

ngoba ngami insuku zakho zizakwandiswa, leminyaka eminengi yengezelelwe kuwe.

U-Isaya 65:20

Kusukela lapho kakusayikuba khona ofa ebantwaneni, lixhegu elingaphelelisi insuku zalo, ngoba ofa eselekhulu leminyaka kuzakuthiwa mutsha, lalowo ongafinyeleli ekhulwini leminyaka uzabe ngoqalekisiweyo.

UDutheronomi 11:9

lokuba lihlale isikhathi eside elizweni iNkosi eyafunga kubokhokho benu ukubanika lona lenzalo yabo, ilizwe eligcwele uchago lenyosi.

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.

UDutheronomi 5:16

Hlonipha uyihlo lonyoko, njengokukulaya kweNkosi uNkulunkulu wakho, ukuba uphile isikhathi eside, lokuba kukulungele elizweni iNkosi uNkulunkulu wakho ekunika lona.

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

Isambulo 20:6

Ubusisiwe, ungcwele olesabelo ekuvukeni kokuqala; phezu kwabanjalo ukufa kwesibili kakulamandla, kodwa bazakuba ngabapristi bakaNkulunkulu labakaKristu, bazakubusa kanye laye iminyaka eyinkulungwane.