UDutheronomi 11:17 - iBhayibhili Elingcwele 1978

¹⁷ leNkosi ilithukuthelele, ivale izulu ukuba lingani, lelizwe lingabe lisathela isithelo, libhubhe masinyane lina elizweni elihle iNkosi elinika lona.

IBhayibhili Elingcwele LesiNdebele

¹⁷ Kungaba njalo ulaka lukaThixo luzavutha kini, njalo uzavala amazulu akhe ukuze kungabi lezulu elizakuna kuthi umhlaba wenu ungatheli izithelo, kuthi lina libhubhe masinyane elizweni elihle uThixo alinika lona.

UDutheronomi 11:17 Mawu Ofanana

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

1 AmaKhosi 8:35

Lapho iphezulu livaliwe, kungelazulu ngoba bonile kuwe, uba bekhuleka bekhangele kulindawo belivuma ibizo lakho, baphenduke esonweni sabo nxa ubatshaya,

2 ImiLando 6:26

Lapho iphezulu livaliwe, kungelazulu ngoba bonile kuwe, uba bekhuleka bekhangele kulindawo belivuma ibizo lakho, baphenduke esonweni sabo nxa ubatshaya,

2 ImiLando 7:13

Uba ngivala iphezulu ukuze kungabi lazulu, loba ngithumela intethe ukuchitha ilizwe, ingabe ngithumele umkhuhlane phakathi kwabantu bami,

UJobe 12:15

Uba evimbela amanzi, ayatsha; uba ewavulela, ayagcwala emhlabeni.

ULevi 26:19

ngiqede amandla enu aziphakamisileyo, ngenze amazulu enu abe njengensimbi ukuze izulu lingani, lomhlabathi wenu ube njengethusi;

ULevi 26:20

lamandla enu azakuchithelwa ize, ngoba ilizwe lenu kaliyikuthela izithelo zalo, lezihlahla zelizwe kaziyikuthela izithelo zazo.

uAmosi 4:7

Futhi ngalincitsha izulu kusasele inyanga ezintathu ukuba kuvunwe; ngalinisa komunye umuzi, kangaze ngalinisa komunye, esinye isiqinti sanethwa, kwathi leso esinganethwanga satsha.

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.

UDutheronomi 6:15

Ngoba iNkosi uNkulunkulu wakho ophakathi kwakho inguNkulunkulu olomona. Qaphela, funa iNkosi uNkulunkulu wakho ikuthukuthelele, ikuchithe emhlabeni.

UDutheronomi 9:19

Ngoba ngangisesaba ukuthukuthela lolaka lwayo okwakuvutha ngenxa yenu yaze yafuna ukulibhubhisa; kodwa yangilalela langalesosikhathi.