UDutheronomi 10:9 - iBhayibhili Elingcwele 1978

⁹ Ngalokhu amaLevi kawalasabelo selizwe kanye labafowabo; iNkosi iyisabelo sawo, njengokutsho kweNkosi uNkulunkulu wenu kuwo. —

IBhayibhili Elingcwele LesiNdebele

⁹ Yikho abaLevi bengelasabelo loba ilifa phakathi kwabafowabo; elabo ilifa nguThixo, njengoba uThixo uNkulunkulu wenu wabatshela.)

UDutheronomi 10:9 Mawu Ofanana

UHezekhiyeli 44:28

Kabayikuba lelifa, mina ngiyilifa labo; kaliyikubanika isabelo selizwe koIsrayeli; mina ngiyisabelo sabo.

AmaNani 26:62

Bonke abesilisa ababalwayo phakathi kwamaLevi, kusukela kulabo abalenyanga kusiya phezulu, babezinkulungwane ezingamatshumi amabili lantathu; kababalwanga phakathi kwabakoIsrayeli ngoba benganikwanga ilifa phakathi kwabakoIsrayeli.

Imisebenzi 8:21

Ngoba kawulasabelo lelifa kulelilizwi, ngoba inhliziyo yakho kayilunganga phambi kukaNkulunkulu.

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 14:27

UmLevi ophakathi kwemizi yenu lingamkhohlwa, ngoba engelasabelo lelifa kini.

UDutheronomi 14:29

UmLevi, lokhu engelasabelo kini, kanye lowemzini, lentandane, lomfelwakazi abaphakathi kwemizi yenu bazakuza, badle, basuthe, ukuba iNkosi uNkulunkulu wenu ilibusise kuwo wonke umsebenzi wezandla zenu.

UJoshuwa 14:3

Ngoba uMose wayesezinikile izizwe ezimbili lengxenye ngaphetsheya kweJordani; kodwa abakoLevi kabanikanga ilizwe phakathi kwazo.