UDutheronomi 10:3 - iBhayibhili Elingcwele 1978

³ Ngasengisenza umtshokotsho ngesihlahla somvagazi, ngabaza amatshe amabili anjengawokuqala, ngakhwela entabeni ngiphethe lawomatshe womabili.

IBhayibhili Elingcwele LesiNdebele

³ Ngakho ngenza ibhokisi lesivumelwano ngezigodo zesihlahla somʼakhakhiya ngasengibaza izibhebhedu ezimbili zamatshe ezifanana lezakuqala, ngasengikhwela entabeni ngiphethe lezo zibhebhedu ezimbili.

UDutheronomi 10:3 Mawu Ofanana

U-Eksodasi 25:10

Yenza umtshokotsho ngesihlahla somvagazi, ubude bawo bube zingalo ezimbili lengxenye, ububanzi bawo bube yingalo lengxenye, lokudepha kwawo kube yingalo lengxenye.

U-Eksodasi 25:5

lezikhumba ezibomvu zezinqama, lezinzwezwe, lezihlahla zomvagazi,

U-Eksodasi 34:4

UMose wasebaza amatshe amabili anjengawakuqala; wavuka ekuseni, wakhwela entabeni yaseSinayi, njengokutsho kweNkosi, ephethe amatshe amabili.

U-Eksodasi 38:6

Wayenza imijabo ngesihlahla somvagazi, wayibhada ngethusi.

UDutheronomi 10:1

Ngalesosikhathi iNkosi yathi kimi: Baza amatshe anjengawokuqala, wenze lomtshokotsho wezigodo, ubusukhwela uze kimi entabeni.

AmaHebheru 9:4

elealtare legolide lokutshisela impepha, lomtshokotsho wesivumelwano obhadwe ngegolide inxa zonke, okwakukhona kuwo inqayi yegolide elemana phakathi, lenduku kaAroni eyahlumayo, lamatshe esivumelwano;