UDutheronomi 10:20 - iBhayibhili Elingcwele 1978

²⁰ Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

IBhayibhili Elingcwele LesiNdebele

²⁰ Mesabeni uThixo uNkulunkulu wenu njalo limkhonze. Bambelelani kuye njalo lenze izifungo zenu ngebizo lakhe.

UDutheronomi 10:20 Mawu Ofanana

2 AmaKhosi 18:6

Wabambelela waqina eNkosini, kaphambukanga ekuyilandeleni, kodwa wagcina imilayo iNkosi eyalaya ngayo uMose.

AmaHubo 63:11

Kodwa inkosi izakuthokoza kuNkulunkulu, bonke abafunga yena bazakujabula; kodwa imilomo yabaqamba amanga izakuvalwa.

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

UmTshumayeli 12:13

Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

U-Isaya 45:23

Ngizifungile mina, ngakhuluma ilizwi eliqinisekileyo elingasayikwaphulwa futhi, elithi: Wonke amadolo azakuguqa phambi kwami, lezindimi zonke zizakungifunga.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UMatewu 4:10

UJesu wasesithi kuye: Suka, Sathane! ngoba kulotshiwe ukuthi: Wokhuleka eNkosini uNkulunkulu wakho, umkhonze yena yedwa.

ULukha 4:8

UJesu wamphendula wathi: Kulotshiwe ukuthi: Uzakukhuleka eNkosini uNkulunkulu wakho, umkhonze yena yedwa.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

AbaseRoma 12:9

Uthando lwenu kalube qotho. Zondani okubi, libambelele kokulungileyo.

UDutheronomi 11:22

Uba ligcina kuhle yonke imithetho le engililaya ukuba liyenze, lithande iNkosi uNkulunkulu wenu, lihambe ngendlela zayo zonke, libambelele kuyo,

UDutheronomi 13:4

Kodwa lizakulandela iNkosi uNkulunkulu wenu, liyesabe, ligcine imithetho yayo, lilalele ilizwi layo, liyikhonze, libambelele kuyo.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

UDutheronomi 4:4

kodwa lina elabambelela eNkosini uNkulunkulu wenu lisekhona lonke lalamuhla.

UDutheronomi 5:11

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala eNkosini.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

UJoshuwa 23:7

ukuze lingahlangani lezizwe eziseleyo phakathi kwenu, lingabaphathi ngamabizo onkulunkulu bazo, lingafungi ngabo, lingabakhonzi, lingakhothami phambi kwabo,

UJoshuwa 23:8

kodwa libambelele eNkosini uNkulunkulu wenu njengoba lenzile kuze kube lamhla.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.