UDutheronomi 10:17 - iBhayibhili Elingcwele 1978

¹⁷ Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

IBhayibhili Elingcwele LesiNdebele

¹⁷ Ngoba uThixo uNkulunkulu wenu nguNkulunkulu wabonkulunkulu njalo unguMbusi wababusi, uNkulunkulu omkhulu, olamandla njalo owesabekayo, ongelabandlululo futhi ongemukeli isivalamlomo.

UDutheronomi 10:17 Mawu Ofanana

2 ImiLando 19:7

Ngakho liyesabe iNkosi, linanzelele elikwenzayo, ngoba iNkosi uNkulunkulu wethu kayiyikuvumela ukuhlanekelwa kokulunga, lokubandlulula abantu, lokuthengwa.

UNehemiya 1:5

Ngathi: Nkosi, Nkulunkulu ophezulu, Nkulunkulu omkhulu lowesabekayo, ogcina isivumelwano lolothando olungapheliyo kulabo abakuthandayo begcina imilayo yakho,

UNehemiya 4:14

Sengibonile ukuthi bayesaba, ngathi kuzo izikhulu lezinduneni lakwabanye abantu: Lingabesabi. Khumbulani iNkosi enkulu leyesabekayo, lilwele abafowenu lamadodana enu lamadodakazi enu labomkenu lemizi yenu.

UNehemiya 9:32

Ngakhoke, Nkulunkulu wethu omkhulu, wena olamandla lowesabekayo, ogcina isivumelwano lolothando olungapheliyo, ungadeleli ubunzima bonke obusehleleyo thina sonke, lamakhosi ethu lezikhulu zethu labapristi bethu labaprofethi bethu labokhokho bethu labo bonke abantu bakho, kusukela esikhathini samakhosi aseAsiriya kuze kube lamhla.

UJobe 34:19

ongazazisi izikhulu, engananzi isinothi ukwedlula umyanga, ngoba bonke bengumsebenzi wezandla zakhe na?

AmaHubo 99:3

Kazidumise ibizo lakho elikhulu lelesabekayo zithi: Ingcwele yona!

U-Eksodasi 23:8

Kawuyikwamukela isiphiwo, ngoba isiphiwo siphumputhekisa ababonayo, sonakalise indaba yabalungileyo.

U-Isaya 37:16

esithi: Nkosi yamabandla, Nkulunkulu kaIsrayeli ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

U-Isaya 9:6

Ngoba sizalelwe umntwana, sinikiwe indodana: izanikwa amandla obukhosi, ibizwe ngokuthi: UMluleki omangalisayo, uNkulunkulu olamandla, uBaba ongelakuphela, iNkosi yokuthula.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UJeremiya 32:18

otshengisa uthando olungapheliyo kwabayizinkulungwane, kodwa uphindisela ububi baboyise kubantwana babo ngemva kwabo. Wena Nkulunkulu omkhulu lolamandla, oyiNkosi yamabandla,

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 2:45

njengoba wabona ilitshe liqephuka entabeni, lingaqetshulwa muntu, laphohloza insimbi lethusi lebumba lesiliva legolide. UNkulunkulu omkhulu uyazisile inkosi okuzakwenzeka emva kwalokho. Iphupho liqinisile, lencazelo yalo iliqiniso.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UMakho 12:14

Beza bathi kuye: Mfundisi, siyazi ukuthi wena uqotho, kawukhathali ngomuntu, ngoba kawunanzi isimo somuntu, kodwa ufundisa indlela kaNkulunkulu ngeqiniso. Kuvunyelwe yini ukuthela kuKesari ingabe atshi? Sithele ingabe singatheli na?

Imisebenzi 10:34

Kwang’khona uPetro wavula umlomo wakhe, wathi: Impela ngiyabona ukuthi uNkulunkulu kakhangeli ubuso bomuntu,

AbaseRoma 2:11

Ngoba uNkulunkulu kakhethi muntu;

AbaseGalathiya 2:6

Kodwa labo okuthiwa ngabadumileyo — loba bengobani kakutsho lutho kimi; uNkulunkulu kakhethi muntu — ngithi labo abadumileyo kabangelekelelanga ngalutho;

Abase-Efesu 6:9

Lani makhosi, yenzani ngokunjalo kuzo, liyekele ukuzisongela, lazi ukuthi iNkosi yazo leyenu isezulwini, lokuthi kayibandlululi muntu yona.

UDutheronomi 1:17

Ekwahluleleni kwenu lingabi labandlululo, kodwa zwanini omncinyane njengomkhulu: lingesabi muntu, ngoba ukwahlulela kungokukaNkulunkulu. Lethani kimi indaba ezilahlulayo ukuba ngizizwe.

UDutheronomi 16:19

Lingonakalisi ukulunga, lingabandlululi muntu, lingamukeli umvuzo wokuthengwa, ngoba uphumputhekisa amehlo abahlakaniphileyo, wonakalise indaba yabalungileyo.

UDutheronomi 24:17

Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

UDutheronomi 27:25

Kaqalekiswe owamukela umvuzo wokuthengwa ukuba abulale umuntu ongelacala. Bonke abantu bazakuthi: Ameni.

UDutheronomi 7:21

Kaliyikubesaba, ngoba iNkosi uNkulunkulu wenu iphakathi kwenu, inguNkulunkulu omkhulu lowesabekayo.

AbaseKholose 3:25

Owenza okubi uzakwamukeliswa okubi akwenzileyo; uNkulunkulu kabandlululi muntu.

1 uTimothi 6:15

azakukubonakalisa ngesikhathi esifaneleyo, uSomandla oyedwa lobongekayo, iNkosi yamakhosi, loMbusi wababusi,

UJoshuwa 22:22

INkosi inguNkulunkulu wabonkulunkulu, iNkosi inguNkulunkulu wabonkulunkulu, yona iyazi, loIsrayeli kufanele akwazi. Uba bekuyikuhlamuka loba kuyikuphambuka eNkosini lingasiyekeli lamhla.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.