UDutheronomi 1:30 - iBhayibhili Elingcwele 1978

³⁰ INkosi uNkulunkulu wenu ehamba phambi kwenu izakulilwela njengalokhu eyalenzela khona eGibithe phambi kwenu,

IBhayibhili Elingcwele LesiNdebele

³⁰ UThixo uNkulunkulu wenu ohamba phambi kwenu uzalilwela, njengalokho alenzela khona eGibhithe lizibonela ngamehlo enu,

UDutheronomi 1:30 Mawu Ofanana

2 ImiLando 32:8

Yena ulamandla omuntu, kodwa thina sileNkosi uNkulunkulu wethu ukusisiza lokusilwela. Abantu bazuza isibindi ngamazwi kaHezekiya inkosi yakoJuda.

UNehemiya 4:14

Sengibonile ukuthi bayesaba, ngathi kuzo izikhulu lezinduneni lakwabanye abantu: Lingabesabi. Khumbulani iNkosi enkulu leyesabekayo, lilwele abafowenu lamadodana enu lamadodakazi enu labomkenu lemizi yenu.

UNehemiya 4:20

Lapho lisizwa kukhala uphondo, gijimelani ngakithi; uNkunlunkulu wethu uzasilwela.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

U-Eksodasi 10:21

INkosi yasisithi kuMose: Phakamisela isandla sakho phezulu ukuba kube khona umnyama elizweni laseGibithe, umnyama ongaphuntshuthwa ngesandla.

U-Eksodasi 14:14

INkosi izakulilwela, ngakho thulani lina.

U-Eksodasi 14:25

yaqobotsha amavili ezinqola ukuba zihambe nzima, aze athi amaGibithe: Asibalekele abakoIsrayeli, ngoba iNkosi iyabalwela imelene lathi.

U-Eksodasi 19:4

Likubonile lokho engikwenze kumaGibithe, lokuthi ngalithwala ngempiko zokhozi, ngalisondeza kimi.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

AbaseRoma 8:37

Kodwa kulokhu konke silokunqoba okukhulu ngaye owasithandayo.

UDutheronomi 1:29

Ngasengisithi kini: Lingatshaywa luvalo, lesabe.

UDutheronomi 11:3

izibonakaliso zayo lezenzo zayo eyazenza eGibithe kuFaro inkosi yaseGibithe, lakulo lonke ilizwe lakhe,

UDutheronomi 29:2

UMose wababiza bonke abakoIsrayeli, wathi kubo: Libonile konke iNkosi eyakwenza phambi kwenu elizweni laseGibithe, kuFaro lakuzo zonke izinceku zakhe lakulo ilizwe lakhe,

UDutheronomi 3:22

Lingabesabi, ngoba iNkosi uNkulunkulu wenu uqobo izalilwela.

UDutheronomi 31:3

INkosi uNkulunkulu wenu uqobo izakuchapha phambi kwenu, ichithe lezizizwe phambi kwenu ukuba lizinqobe; uJoshuwa uzakulihola ekuchapheni kwenu njengokutsho kweNkosi.

UDutheronomi 34:11

ngazo zonke izibonakaliso lezimangaliso iNkosi eyamthumela ukuba azenze elizweni laseGibithe, kuFaro lakuzo zonke inceku zakhe lakulo lonke ilizwe lakhe,

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

UDutheronomi 7:18

Lingazesabi, kodwa khumbulani lokho iNkosi uNkulunkulu wenu eyakwenza kuFaro lakulo lonke iGibithe,

UJoshuwa 10:14

Kaluzanga lube khona usuku olunjalo ngaphambili loba ngasemva kwalo lapho iNkosi yalilalela khona ilizwi lomuntu, ngoba iNkosi yamlwela uIsrayeli.

UJoshuwa 10:42

UJoshuwa wathumba wonke lamakhosi lamazwe awo ngasikhathi sinye, ngoba iNkosi uNkulunkulu kaIsrayeli yamlwela uIsrayeli.

UJoshuwa 23:3

selizibonele konke iNkosi uNkulunkulu wethu ekwenzileyo kulezizizwe ngenxa yenu, ngoba kwakuyiNkosi uNkulunkulu uqobo eyalilwelayo.