UDutheronomi 1:2 - iBhayibhili Elingcwele 1978

² — Kuluhambo lwensuku ezilitshumi lanye kusukela eHorebe kusiva eKadeshi‐Barneya ngendlela yasentabeni yaseSeyiri. —

IBhayibhili Elingcwele LesiNdebele

² (Loluhambo luthatha insuku ezilitshumi lanye ukusuka eHorebhi kusiya eKhadeshi Bhaneya ngomgwaqo odlula eNtabeni yaseSeyiri.)

UDutheronomi 1:2 Mawu Ofanana

UGenesisi 32:3

UJakobe wathuma izigijimi phambi kwakhe kuEsawu umnewabo, elizweni laseSeyiri, ilizwe lakoEdoma.

U-Eksodasi 17:6

Ngizakuma phambi kwakho edwaleni eliseHorebe; uzalitshaya idwala, kuphume kulo amanzi ukuze abantu banathe. UMose wenza njalo phambi kwabalisa bakoIsrayeli.

U-Eksodasi 3:1

UMose wayesalusa izimvu zikaJetro uyisezala, umpristi waseMidiyani; waziqhuba izimvu, wadabula inkangala waze wafika entabeni kaNkulunkulu yaseHorebe.

ULevi 2:14

Uba unikela umnikelo wempuphu owezithelo zokuqala zakho eNkosini, uzanikela ngamabele amatsha ayizikhwebu ezosiweyo;

ULevi 9:23

UMose loAroni bangena ethenteni lokuhlangana; ekuphumeni kwabo bababusisa abantu, lenkazimulo yeNkosi yabonakala kubo bonke.

AmaNani 13:26

Beza kuMose loAroni lakulo lonke ibandla labakoIsrayeli enkangala yaseParani, eKadeshi. Bababikela lebandla lonke, babatshengisa izithelo zelizwe.

AmaNani 32:8

Yikho lokho abakwenzayo oyihlo mhla ngibathuma besuka eKadeshi‐Barneya ukuyabona ilizwe.

UDutheronomi 1:19

Sasuka eHorebe, sadabula phakathi kwaleyonkangala enkulu leyesabekayo elayibonayo; sahamba ngendlela eya ezintabeni zamaAmori, njengokusilaya kweNkosi, safika eKadeshiBarneya.

UDutheronomi 1:44

Kwathi amaAmori ayehlala ezintabeni lezo aphuma alihlasela, alixotsha njengezinyosi, alinqoba eSeyiri, kwaze kwaba seHorma.

UDutheronomi 2:1

Sasesiphenduka, saqonda enkangala ngendlela eya oLwandle oluBomvu, njengokutsho kweNkosi kimi; sazula entabeni yaseSeyiri insuku ezinengi.

UDutheronomi 2:4

Balaye abantu uthi: Selizakudabula ilizwe lezihlobo zenu, abantwana bakaEsawu abakhileyo eSeyiri. Bazakulesaba, ngakho linanzelele,

UDutheronomi 2:8

Ngakhoke saqhubeka, sadlula izihlobo zethu, abantwana bakaEsawu abakhileyo eSeyiri, satshiya indlela yaseAraba esuka eElathi leEziyoni‐Geberi. Saphenduka, sahamba ngendlela eya enkangala yaseMowabi.

UDutheronomi 9:23

Kwathi lalapho iNkosi elithuma lisuka eKadeshi‐Barneya isithi: Hambani, lithumbe ilizwe engilinike lona; lahlamuka emlayweni weNkosi uNkulunkulu wenu, kaliyikholwanga, kalilalelanga lelizwi layo.

UJoshuwa 14:6

AbakoJuda basebesiza kuJoshuwa eGiligali; uKalebi indodana kaJefune umKenizi wathi kuye: Uyakwazi iNkosi eyakutshoyo kuMose umuntu kaNkulunkulu eKadeshi‐Barneya mayelana lawe lami.