UDutheronomi 1:16 - iBhayibhili Elingcwele 1978

¹⁶ Futhi ngabalaya abahluleli benu ngalesosikhathi ngathi: Zwanini izindaba zabafowenu, lahlulele ngokulunga phakathi komuntu lomfowabo, lowezizweni alaye.

IBhayibhili Elingcwele LesiNdebele

¹⁶ Njalo ngapha isiqondiso kubahluleli ngalesosikhathi ngathi: ‘Hluzani ingxabano phakathi kwabafowenu njalo lahlulele ngokufaneleyo, kungakhathalekile ukuthi yingxabano phakathi kwabako-Israyeli bodwa loba kungowako-Israyeli oxabana lowezizweni.

UDutheronomi 1:16 Mawu Ofanana

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

2 USamuyeli 23:3

UNkulunkulu kaIsrayeli usekhulumile, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu,

AmaHubo 58:1

Imbala liyahlulela ngokulungileyo lina bakhulu na? Liyabahlulela abantu ngeqiniso na?

U-Eksodasi 22:21

Lingamoni umuntu wezizweni, lingamhluphi; ngoba lani lalingabantu bezizweni kwelaseGibithe.

Izaga 31:9

Khuluma, uthonisise ngokulunga, umele amalungelo abayanga labaswelayo.

ULevi 19:15

Lingahluleli ngokungalungi; lingakhethi ongumyanga loba omkhulu, kodwa lahlulele umakhelwane wenu ngokulungileyo.

ULevi 24:22

Lizakuba lomlayo munye kowezizweni lakowokuzalwa elizweni. Ngoba ngiyiNkosi uNkulunkulu wenu.

AmaNani 27:19

ummise phambi kukaEleyazare umpristi laphambi kwebandla lonke, umlaye phambi kwabo,

UJohane 7:24

Lingasoli ngokubona ngokwamehlo nje, kodwa solani ngokusola okuqondileyo.

UDutheronomi 1:15

Ngakhoke ngasengithatha izinhloko zezizwe zenu, amadoda ahlakaniphileyo, alolwazi, ngawabeka aba zinhloko zenu, izinduna zezinkulungwane lezinduna zamakhulu, lezinduna zamatshumi amahlanu, lezinduna zamatshumi, leziphathamandla zezizwe zenu.

UDutheronomi 24:14

Ungacindezeli inceku eqatshiweyo engumyanga leswelayo, loba ingowabakini, loba ingowabezizwe abahlala elizweni lakini komunye wemizi yakini.

UDutheronomi 25:1

Uba abantu bexabana, baye kubathonisisi, abathonisisi bazakubathonisisa, bayekele ongelacala, balahle olecala.

UDutheronomi 27:11

UMose wabalaya abantu ngalolosuku wathi:

UDutheronomi 31:14

INkosi yathi kuMose: Usuku lokufa kwakho selusondele; mbize uJoshuwa, lime lobabili ethenteni lokuhlangana ukuba ngimlayeze. UMose loJoshuwa bahambake, bema ethenteni lokuhlangana.

1 AbaseThesalonika 2:11

njengokuba lisazi ukuthi saliphatha ngamunye njengoyise ephatha abantwana bakhe;

1 uTimothi 5:21

Ngiyakulaya phambi kukaNkulunkulu loKristu Jesu lezithunywa ezikhethiweyo ukuba uzigcine lezizinto ngokungaqumi ngaphambili; ungabandlululi muntu.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.