UDutheronomi 1:1 - iBhayibhili Elingcwele 1978

¹ La ngamazwi kaMose awakhuluma kubo bonke abakoIsrayeli enkangala ngaphetsheya kweJordani, esihotsheni saseAraba maqondana loLwandle oluBomvu, phakathi kweParani leTofeli leLabani leHazerothi leDizahabi.

IBhayibhili Elingcwele LesiNdebele

¹ La ngamazwi akhulunywa nguMosi kubo bonke abako-Israyeli enkangala, empumalanga yeJodani, lokhu kuyikuthi, e-Arabha, maqondana leSufi, phakathi kwePharani leThofeli, eLabhani, eHazerothi kanye laseDizahabi.

UDutheronomi 1:1 Mawu Ofanana

UGenesisi 21:21

Wahlala enkangala yaseParani; unina wamthathela umfazi elizweni laseGibithe.

1 AmaKhosi 11:18

Basuka eMidiyani, bayafika eParani, bathatha khona abantu abathile baya eGibithe, kuFaro inkosi yaseGibithe owanika uHadadi indlu lesabelo sokudla, wamnika lendawo.

UHabhakhukhi 3:3

UNkulunkulu wavela eTemani, oNgcwele wavela entabeni yaseParani. Inkazimulo yakhe yasibekela amazulu, umhlaba wagcwala indumiso yakhe.

AmaNani 10:12

Abantu bakoIsrayeli basuka enkangala yaseSinayi ngezigaba ngezigaba; iyezi lema enkangala yaseParani.

AmaNani 11:35

Abantu basuka eKibirothi‐Hathava baya eHazerothi; bahlala khona eHazerothi.

AmaNani 12:16

Emva kwalokho abantu basuka eHazerothi, baya bamisa enkangala yaseParani.

AmaNani 13:26

Beza kuMose loAroni lakulo lonke ibandla labakoIsrayeli enkangala yaseParani, eKadeshi. Bababikela lebandla lonke, babatshengisa izithelo zelizwe.

AmaNani 13:3

UMose wabathumake besuka enkangala yaseParani, njengokutsho kweNkosi; bonke babeyizinhloko zabakoIsrayeli.

AmaNani 32:19

Ngoba kasiyikwamukela kubo ilizwe ngaphetsheya kweJordani langaphambili, ngoba sesiphiwe elethu nganeno kweJordani ngasempumalanga.

AmaNani 32:32

sizahloma sichaphe phambi kweNkosi, singene elizweni laseKanani; sizakuba lelizwe lethu ngapha ngaphetsheya kweJordani.

AmaNani 32:5

Uba sifumene umusa emehlweni enu, ilizwe leli kaliphiwe thina zinceku zenu libe ngelethu; lingasiwezi iJordani.

AmaNani 33:20

Basuka eRimoni‐Parezi, baya bamisa eLibina.

AmaNani 33:21

Basuka eLibina, baya bamisa eRisa.

AmaNani 34:15

Izizwe lezo ezimbili lengxenye yesizwe sezizuzile ilizwe lazo ngaphetsheya kweJordani, maqondana leJeriko, ngasempumalanga.

AmaNani 35:14

Lizakukhetha imizi emithathu ngaphetsheya kweJordani, lemizi emithathu elizweni laseKanani, ibe yimizi yokuphephela.

UDutheronomi 2:8

Ngakhoke saqhubeka, sadlula izihlobo zethu, abantwana bakaEsawu abakhileyo eSeyiri, satshiya indlela yaseAraba esuka eElathi leEziyoni‐Geberi. Saphenduka, sahamba ngendlela eya enkangala yaseMowabi.

UDutheronomi 27:1

UMose labalisa bakoIsrayeli balaya abantu bathi: Gcinani yonke imithetho esililaya yona lamuhla.

UDutheronomi 29:1

La ngamazwi esivumelwano iNkosi eyamlaya uMose ukusenza labantu bakoIsrayeli elizweni laseMowabi, ngaphandle kwesivumelwano eyayisenze labo eHorebe.

UDutheronomi 31:1

UMose waqhubeka wakhuluma lamazwi kubo bonke abakoIsrayeli,

UDutheronomi 33:2

Wathi: INkosi yavela eSinayi, yaphumela kubo ivela eSeyiri, yakhanya entabeni yaseParani, yavela kubo abangcwele abayizigidi, kwakuvutha umlilo ngakwesokunene sayo.

UDutheronomi 4:46

ngaphetsheya kweJordani, esigodini maqondana leBeti‐Peyori, elizweni likaSihoni inkosi yamaAmori, owayehlala eHeshiboni, owanqotshwa nguMose labantu bakoIsrayeli ekuphumeni kwabo eGibithe.

UDutheronomi 5:1

UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.

UJoshuwa 22:4

Khathesike iNkosi uNkulunkulu wenu ibanikile abafowenu ukuphumula njengokubathembisa kwayo. Ngakhoke buyelani emakhaya enu elizweni lakini, alinika lona uMose inceku yeNkosi ngaphetsheya kweJordani.

UJoshuwa 22:7

Ingxenye yesizwe sakoManase uMose wayeyinike indawo eBashani; kodwa enye ingxenye uJoshuwa wayeyinike indawo phansi kwabafowabo elizweni ngasempumalanga kweJordani. Nxa uJoshuwa ebathumela emakhaya abo, wababusisa,

UJoshuwa 3:16

amanzi avela ngaphezu komfula ema, abuthana aba yinqwaba okwebanga elide kwaze kwafika eAdama umuzi oseduze leZarethani; lalawo agelezela olwandle lwaseAraba, uLwandle lweTshwayi, aqamuka wonke; abantu bachapha maqondana leJeriko.

UJoshuwa 9:1

Kwathi lapho wonke amakhosi ayengaphetsheya kweJordani, ezintabeni, laseShefela, lasokhunjini loLwandle olukhulu, kusiya eLebanoni, amaHethi lamaAmori lamaPerizi lamaHivi lamaJebusi esizwa ngalokhu,

UJoshuwa 9:10

leyakwenza emakhosini amabili amaAmori ayengaphetsheya kweJordani, uSihoni inkosi yaseHeshiboni, loOgi inkosi yaseBashani eyayihlala eAshitarothi.

1 USamuyeli 25:1

USamuweli wafa; bahlangana bonke abakoIsrayeli ukumlilela, bamngcwabela emzini wakhe eRama. UDavida wasuka waya enkangala yaseParani.