UDanyeli 9:9 - iBhayibhili Elingcwele 1978

⁹ Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

IBhayibhili Elingcwele LesiNdebele

⁹ INkosi uNkulunkulu wethu ilesihawu njalo iyathethelela loba thina siyihlamukele;

UDanyeli 9:9 Mawu Ofanana

2 USamuyeli 24:14

UDavida wasesithi kuGadi: Ngisebunzimeni obukhulu; kungcono ukuba ngiwele esandleni seNkosi, ngoba umusa wayo mkhulu, kulokuba ngiwele esandleni somuntu.

1 AmaKhosi 8:30

Akulalele ukucela kwenceku yakho lokwabantu bakho uIsrayeli lapho bekhuleka bekhangele kulindawo; yebo, uzwe wena, usezulwini endaweni yakho yokuhlala; lapho usizwa, uthethelele.

UNehemiya 9:31

Kanti ngomusa wakho omkhulu kawubaqedanga, kawubatshiyanga; ngoba wena unguNkulunkulu olomusa lesihawu.

AmaHubo 130:4

Kodwa uyathethelela wena, ukuze wesatshwe.

AmaHubo 130:7

Wena, Israyeli, themba eNkosini; ngoba iNkosi ilothando olungapheliyo ilamandla okukhulula.

AmaHubo 62:12

lothando olungapheliyo lungolwakho, Nkosi; ngoba wena uyamphindisela umuntu njengokwenza kwakhe.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

U-Isaya 63:7

Ngizalandisa ngothando olungapheliyo lweNkosi, ngiyidumise, ngakho konke iNkosi esenzele khona, lobuhle obukhulu ebenzele indlu kaIsrayeli, esenzele bona ngomusa wayo, langobukhulu bothando lwayo olungapheliyo.

UJeremiya 14:7

Loba izono zethu zisilahla, sebenza, wena Nkosi, ngenxa yebizo lakho; ngoba sihlamukile kanengi, sonile kuwe.

UHezekhiyeli 20:13

Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

UDanyeli 9:5

sonile, saziphatha kubi, senza okubi, sakuhlamuka, sayephula imilayo yakho lezimiso zakho;

UDanyeli 9:6

kasilalelanga inceku zakho abaprofethi, ezikhulume ebizweni lakho emakhosini ethu, lasezikhulwini zethu, lakubokhokho, lakibo bonke abantu belizwe.

UDanyeli 9:7

Kukhona ukulunga kuwe, Nkosi, kodwa kithi kukhona ihlazo njengalamhlanje ebantwini bakoJuda, labakhileyo eJerusalema, lakuIsrayeli wonke, kubo abaseduze labakhatshana, emazweni wonke obaxotshele kiwo ngenxa yenkohliso abayenze kuwe.

UDanyeli 9:8

Kukhona kithi ihlazo, Nkosi, emakhosini ethu, lasezikhulwini zethu, lakubokhokho bethu, ngoba sonile kuwe.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.