UDanyeli 9:27 - iBhayibhili Elingcwele 1978

²⁷ Umbusi uzakwenza isivumelwano esiqinileyo labanengi okweminyaka eyisikhombisa, kuthi phakathi kwayo ayivale imihlatshelo leminikelo; phakathi kwalokho ukuchitheka kufike umchithi, kuthi ekucineni kufike lokho okumisiweyo mayelana lomchithi.

IBhayibhili Elingcwele LesiNdebele

²⁷ Uzaqinisa isivumelwano labanengi ‘okwesikhombisa’ esisodwa. Phakathi ‘kwesikhombisa’ uzamisa imihlatshelo leminikelo. Kuzakuthi eceleni lethempeli uzabeka isinengiso esibanga incithakalo, kuze kuthi ukucina okumisiweyo kuchithelwe kuye.”

UDanyeli 9:27 Mawu Ofanana

U-Isaya 28:15

Ngoba lithe: Senzile isivumelwano lokufa, silesivumelwano lendawo yabafileyo; ngakho lapho inhlupheko ezikhukhulayo zidlula, kaziyikusehlela, ngoba senzile amanga abe yisiphephelo sethu, sacatsha ngaphansi kwenkohliso.

U-Isaya 28:22

Ngakhoke lingadeleli ilizwi lami, funa izibopho zenu ziqiniswe; ngoba sengizwile ukuba iNkosi uNkulunkulu wamabandla imisile ukuchitha lonke ilizwe.

U-Isaya 42:6

uthi: Mina Nkosi, ngikubizile ngokulunga, ngakubamba ngesandla, ngakulondoloza. Ngawe ngenza isivumelwano labantu bonke, ngakubeka ube yikukhanya ezizweni,

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

U-Isaya 55:3

Lalelani, lize kimi, lizwe ukuze liphile; ngizakwenza lani isivumelwano esingapheliyo, ngothando olungapheliyo olwathenjiswa kuDavida.

UJeremiya 7:30

Abantu bakoJuda benzile okubi phambi kwami; babekile izinengiso zabo endlini lapho ibizo lami lidunyiselwa khona, ukuba bayingcolise, kutsho iNkosi.

UDanyeli 11:31

Izimpi zakhe zizafika zingcolise ithempeli lenqaba, zisuse umnikelo otshiswa insuku zonke, zimise amanyala aletha ukuchitheka.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 12:11

Kusukela esikhathini sokususwa komnikelo otshiswa insuku zonke, lamanyala aletha ukuchitheka esemisiwe, kuzakuba zinsuku eziyinkulungwane lamakhulu amabili lamatshumi aficamunwemunye.

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

UDanyeli 8:13

Ngasengisizwa isithunywa sikhuluma, lesinye esathi kuleso esikhulumayo: Koze kube nini lumbono usiba khona owomnikelo otshiswa insuku zonke na? Koze kube nini isono esichithayo sisenziwa na? Koze kube nini kuyekelwa indawo engcwele lezinkanyezi ukuba zinyathelwe phansi na?

UHosiya 3:4

Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

AmaNani 7:62

inkezo yegolide, ubunzima bayo bungamashekeli alitshumi, igcwele impepha;

UMatewu 24:15

Ngakho nxa libona amanyala encithakalo, akhulunywa nguDaniyeli umprofethi, emi endaweni engcwele — ofundayo kaqedisise —

UMatewu 26:28

ngoba lokhu kuligazi lami lesivumelwano elichithelwa abanengi ukuthethelelwa kwezono.

UMatewu 27:51

Iveli lethempeli ladabuka kabili, laqala phezulu laze lafika phansi; umhlaba wazamazama, amadwala aqhekezeka;

UMakho 13:14

Kodwa nxa libona amanyala encithakalo emi lapho angafanele khona — ofundayo kaqedisise — kung’khona labo abaseJudiya kababalekele entabeni,

ULukha 21:20

Nxa libona iJerusalema lihanqwe yizimpi, yazini ukuthi sekusondele ukuchitheka kwalo.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

AbaseRoma 11:26

andubana uIsrayeli wonke ezakusiliswa, njengokulotshiweyo ukuthi: Kuzakuvela eZiyone uMkhululi, asuse ububi kuJakobe;

AbaseRoma 5:15

Kodwa isiphiwo somusa kasinjengesiphambeko. Ngoba uba ngesiphambeko samuntu munye, abanengi bafa, ikakhulu kwanda kwabanengi umusa kaNkulunkulu lesiphiwo esivela ngomusa wamuntu munye, uJesu Kristu.

AbaseRoma 5:19

Ngoba njengoba ngokungalaleli komuntu munye abanengi benziwa izoni, ngokunjalo ngokulalela komuntu munye abanengi bazakwenziwa abalungileyo.

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.