UDanyeli 9:17 - iBhayibhili Elingcwele 1978

¹⁷ Ngakhoke, Nkulunkulu wethu, zwana umkhuleko wenceku yakho lokuncenga kwayo; langenxa yebizo lakho, Nkosi, ukhanyise futhi ubuso bakho endlini yakho engcwele echithekileyo.

IBhayibhili Elingcwele LesiNdebele

¹⁷ Manje-ke, Nkulunkulu wethu, zwana imikhuleko lokulabhela kwenceku yakho. Ngenxa yebizo lakho, awu Nkosi, ake uhawukele indlu yakho engcwele esibhidlikile.

UDanyeli 9:17 Mawu Ofanana

1 AmaKhosi 8:28

Kodwake akuzwe umkhuleko wenceku yakho kanye lokucela kwayo, Nkosi Nkulunkulu wami, ulalele ukukhala lokukhuleka kwenceku yakho ekwenzayo phambi kwakho lamuhla.

UNehemiya 1:6

akubeke indlebe yakho, uvule lamehlo akho, ukuzwa umkhuleko wenceku yakho engiwukhuleka kuwe emini lebusuku ngabantu bakoIsrayeli, izinceku zakho, ngivuma izono zabo esizenzileyo kuwe. Yebo, mina lendlu kababa sonile.

AmaHubo 119:135

Khanyisa ubuso bakho phezu kwenceku yakho, ungifundise izimiso zakho.

AmaHubo 4:6

Banengi abathi: Ngubani ozakusitshengisa okuhle na? Nkosi, phakamisela ukukhanya kobuso bakho phezu kwethu.

AmaHubo 67:1

Nkulunkulu, woba lomusa kithi usibusise, ukhanyise ubuso bakho phezu kwethu,

AmaHubo 67:2

ukuze indlela yakho yaziwe emhlabeni, lokusiza kwakho ezizweni zonke.

AmaHubo 74:3

Ngena ezindongeni ezingalungisekiyo; izitha zibhidlize konke endaweni engcwele.

AmaHubo 80:1

Zwana, Malusi kaIsrayeli, wena okhokhela uJosefa njengomhlambi. Wena ohlezi esihlalweni sakho sobukhosi ngaphezu kwamakherubi, bonakala ngokukhanya

AmaHubo 80:19

Sibuyise, Nkosi Nkulunkulu wamabandla, usikhanyisele ubuso bakho ukuze sikhululwe.

AmaHubo 80:3

Sibuyise, Nkulunkulu, usikhanyisele ubuso bakho ukuze sikhululwe.

AmaHubo 80:4

Nkosi Nkulunkulu wamabandla, uzathukuthelela imikhuleko yabantu bakho kuze kube nini na?

AmaHubo 80:7

Sibuyise, Nkulunkulu wamabandla, usikhanyisele ubuso bakho ukuze sikhululwe.

U-Isaya 48:11

Ngenxa yebizo lami lodwa ngiyakwenza; ngoba ibizo lami lingcoliselwani na? Kanginiki omunye udumo lwami.

Izililo 3:56

wezwa umkhuleko wami wokuthi: Ungangivaleli indlebe zakho nxa ngicela ukusizwa.

Izililo 5:18

ngoba intaba yaseZiyone isisele ize, ihanjwa ngamakhanka.

UDanyeli 9:19

Nkosi, zwana! Nkosi, thethelela! Nkosi, lalela wenze! Ungalibali, ngenxa yebizo lakho, Nkulunkulu wami, ngoba umuzi wakho labantu bakho babizwa ngebizo lakho.

UJohane 16:24

Kuze kube khathesi kalicelanga lutho ngebizo lami. Celani, lizakwamukeliswa ukuba intokozo yenu igcwale.

2 AbaseKhorinte 1:20

Zonke izithembiso zikaNkulunkulu zipheleliswe kuye, ngakhoke ngaye sithi: Ameni; kudunyiswe uNkulunkulu.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.