UDanyeli 9:12 - iBhayibhili Elingcwele 1978

¹² Ugcwalisile amazwi akho owawakhuluma ngathi langababusi bethu abasibusayo ngokusehlisela umonakalo omkhulu; ngoba emhlabeni wonke kakuzanga kwenziwe okunjengalokho okwenziwe eJerusalema.

IBhayibhili Elingcwele LesiNdebele

¹² Usuwagcwalisile amazwi okusilahla njalo alahla ababusi bethu ngokusehlisela incithakalo enkulu. Ngaphansi kwalo lonke izulu kakukaze kwenziwe ulutho olulingana lalokhu osekwenziwe eJerusalema.

UDanyeli 9:12 Mawu Ofanana

1 AmaKhosi 3:9

Akunike inceku yakho ingqondo yokuqedisisa ukubusa abantu bakho, ukuze ngazi umahluko phakathi kokuhle lokubi; ngoba ngubani olamandla okubusa lababantu bakho abakhulu kangaka na?

2 AmaKhosi 22:16

ukuthi iNkosi ithi: Ngizakwehlisela okubi kulindawo lakubo bonke abakhileyo kiyo, konke okutshiwo ngamazwi encwadi inkosi yakoJuda eyibalileyo.

UJobe 12:17

Uphendula abaluleki babe yiziphukuphuku, aphendule abahluleli babe yizithutha.

AmaHubo 148:11

Lani makhosi omhlaba, lani zizwe zonke, zikhulu, lani babusi bomhlaba,

AmaHubo 2:10

Ngakhoke hlakaniphani lina makhosi, lixwayiswe lina babusi bomhlaba.

Izaga 8:16

Ngami izikhulu ziyabusa, leziphathamandla ziyahlulela umhlaba.

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

UJeremiya 30:7

Maye! lukhulu lolosuku, kalukho olunye olunjengalo. Kuyisikhati sokuhlupheka kukaJakobe, kanti uzakukhululwa kukho.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 39:16

Hamba uyekuthi kuEbedimeleki umEtiyopiya: INkosi yamabandla, uNkulunkulu kaIsrayeli, ithi: Ngizagcwalisa amazwi ami ngalumuzi ngokubi kungesikho ngokuhle, azagcwaliseka phambi kwakho ngalolosuku.

UJeremiya 44:23

Kungenxa yokuba litshisile impepha, lona eNkosini, lingalilalelanga ilizwi layo, lingahambanga ngomlayo wayo langezimiso zayo langemithetho yayo, ngalokho okubi lokhu kwehlele phezu kwenu njengalamhla nje.

Izililo 1:12

Kakusilutho kini yini lonke elidlulayo na? Khangelani libone ukuba kukhona yini usizi olunjengolwami, olwehliselwe phezu kwami, iNkosi engehlisele lona osukwini lokuthukuthela kwayo.

Izililo 2:13

Ngingathini ngawe na? Ngingakufanisa ngani, wena Jerusalema na? Ngingakufanisa ngani ukuba ngikududuze, wena Ziyone na? Ngoba ukuchitheka kwakho kukhulu njengolwandle. Ngubani ongakwelapha na?

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 4:6

Ngoba ukutshaywa kwabantu bami kube kukhulu kulokutshaywa kwabaseSodoma elachithwa ngesikhatshana, kungekho okhalayo.

UHezekhiyeli 13:6

Bakhohlisile, bavumisa amanga, besithi: Nanka amazwi eNkosi; yona iNkosi ingabathumanga, baqaphele ukuba izagcwalisa ilizwi labo.

UHezekhiyeli 5:9

Ngenxa yamanyala enu wonke ngizakwenza kini engingazake ngikwenze lengingasayikukwenza futhi.

UDanyeli 12:1

Ngalesosikhathi kuzavela uMikayeli, umbusi omkhulu olinda abantu bakini. Kuzakuba khona isikhathi sokuhlupheka esingazanga sibe khona kusukela ekuqaleni kwezizwe kuze kube ngalesosikhathi. Kodwa ngalesosikhathi bazakhululwa abantu bakini, bonke abalotshiweyo ogwalweni.

UJoweli 2:2

usuku lomnyama losizi, usuku lwamayezi lomnyama omkhulu. Njengobumnyama obembese izintaba kuvela impi elamandla engelakubalwa. Kakuzanga kube khona abanjengabo kusukela endulo, futhi kabayikuba khona ngemva kwabo kuyo yonke iminyaka ezayo.

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

UZakhariya 1:8

Ngabona ebusuku umuntu ogade ibhiza elibomvu. Wayemi phakathi kwezihlahla zomtshekisane esigodini, kukhona emva kwakhe amabhiza abomvu lalubhidi lamhlophe.

UZakhariya 7:12

Benza inhliziyo zabo zaba lukhuni njengendayimana, funa bezwe ukulaya lamazwi iNkosi yamabandla ebathumele wona ngomoya wayo ngabaprofethi bakugala. Lokhuke kwayithukuthelisa kakhulu iNkosi yamabandla.

UMatewu 24:21

Ngoba ngalesosikhathi kuzakuba khona ukuhlupheka okukhulu okungazanga kube khona kusukela ekuqaleni komhlaba kuze kube khathesi lokungasayikuba khona.

UMatewu 5:18

Ngoba ngiqinisile ngithi kini: Kuze kudlule izulu lomhlaba kakusoze kudlule ibadlana libe linye ingabe lecwatshana libe linye lomlayo, kuze kwenzakale konke.

UMakho 13:19

Ngoba ngalezonsuku kuzakuba khona ukuhlupheka okungazanga kube khona ekuqaleni kokudabuka okwadatshulwa nguNkulunkulu kuze kube khathesi, lokungasayikuba khona.

ULukha 21:22

ngoba lezi zinsuku zempindiselo ukuze kugcwaliseke imibhalo.

AbaseRoma 15:8

Ngoba ngithi uKristu waba yinceku yabasokileyo ukubonakalisa iqiniso likaNkulunkulu, ukuba aqinise izithembiso ezanikwa okhokho,