UDanyeli 9:11 - iBhayibhili Elingcwele 1978

¹¹ Wonke uIsrayeli waphule umlayo wakho, waphambuka kiwo, wala ukulalela ilizwi lakho. Isiqalekiso lesifungo esilotshiweyo emlayweni kaMose inceku yakho sehliselwe phezu kwethu, ngoba sonile kuwe.

IBhayibhili Elingcwele LesiNdebele

¹¹ U-Israyeli wonke uwephule umthetho wakho wafulathela, esala ukukulalela. Ngakho iziqalekiso lezahlulelo ezifungelwayo ezibhaliweyo eMthethweni kaMosi, inceku kaNkulunkulu, zithululelwe phezu kwethu, ngoba senzile isono kuwe.

UDanyeli 9:11 Mawu Ofanana

2 AmaKhosi 18:12

ngoba bengalilalelanga ilizwi leNkosi uNkulunkulu wabo, kodwa besaphula isivumelwano sayo, lakho konke uMose inceku yeNkosi ayebalaye khona; kabezwanga, kabalalelanga.

2 AmaKhosi 22:16

ukuthi iNkosi ithi: Ngizakwehlisela okubi kulindawo lakubo bonke abakhileyo kiyo, konke okutshiwo ngamazwi encwadi inkosi yakoJuda eyibalileyo.

U-Isaya 1:3

Inkabi iyamazi umniniyo, lobabhemi uyawazi umkolo womnikazi wakhe; kodwa uIsrayeli, abantu bami, kabazi, kabaqedisisi.

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.

UJeremiya 16:11

Wena uthi kibo: Kungoba okhokho benu bangitshiyile, kutsho iNkosi; baye kwabanye onkulunkulu, babasebenzela, babakhonza, bangitshiya mina, kabawugcinanga umlayo wami;

UJeremiya 2:29

Lingisolelani na? Lingihlamukele lonke, kutsho iNkosi.

UJeremiya 30:14

Zonke izithandwa zakho zikukhohliwe, kazisakudingi. Ngoba ngikutshayile njengesitha, ngokutshaya okulolunya, ngoba icala lakho likhulu, lezono zakho zandile.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 40:3

iNkosi isikulethile, yakwenza njengokutsho kwayo. Njengoba lonile eNkosini, kalililalelanga ilizwi layo, ngakhoke lokhu kulehlele.

UJeremiya 44:22

INkosi yayingaselakukuthwala okubi kwemisebenzi yenu lezinengiso elazenzayo; ngakhoke ilizwe lenu lachitheka, laba yinkangala, laba yinto yokuthukwa, kakusekho okuhlala khona njengoba kunjalo lamhla.

UJeremiya 44:23

Kungenxa yokuba litshisile impepha, lona eNkosini, lingalilalelanga ilizwi layo, lingahambanga ngomlayo wayo langezimiso zayo langemithetho yayo, ngalokho okubi lokhu kwehlele phezu kwenu njengalamhla nje.

UJeremiya 6:19

Zwana, wena mhlaba; ngehlisela okubi phezu kwalababantu, kuyizithelo zemicabango yabo, ngoba kabalalelanga ilizwi lami, lomlayo wami bawalile.

UJeremiya 9:26

ngitsho iGibithe loJuda loEdoma loAmoni loMowabi, labo bonke abahlala enkangala abagela inwele zabo emaceleni; ngoba zonke lezizizwe kazisokanga, layo yonke indlu kaIsrayeli kayisokanga enhliziyweni.

UDanyeli 9:13

Wonke lumonakalo usehlele njengoba kulotshiwe emlayweni kaMose; kodwa kasiyincenganga iNkosi uNkulunkulu wethu, ukuba sitshiye izono zethu, silalele iqiniso layo.

UDanyeli 9:5

sonile, saziphatha kubi, senza okubi, sakuhlamuka, sayephula imilayo yakho lezimiso zakho;

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

UZakhariya 7:12

Benza inhliziyo zabo zaba lukhuni njengendayimana, funa bezwe ukulaya lamazwi iNkosi yamabandla ebathumele wona ngomoya wayo ngabaprofethi bakugala. Lokhuke kwayithukuthelisa kakhulu iNkosi yamabandla.

UZakhariya 8:13

Njengoba beliyisiqalekiso phakathi kwezizwe, wena Juda lawe Israyeli, ngakho ngizakulikhulula libe yisibusiso. Lingesabi, kodwa manini isibindi.

UDutheronomi 8:20

Lizachitheka njengezizwe iNkosi ezakuzichitha phambi kwenu, ngoba lingalilalelanga ilizwi leNkosi uNkulunkulu wenu.