UDanyeli 8:3 - iBhayibhili Elingcwele 1978

³ Ngaphakamisa amehlo ami, ngabona inqama imi okhunjini lomfula. Yayilempondo ezimbili, impondo zombili zazinde, olwesibili lulude ukwedlula olunye.

IBhayibhili Elingcwele LesiNdebele

³ Ngakhangela, ngabona khonapho phambi kwami kwakulenqama elempondo ezimbili imi eceleni komgelo, impondo zazizinde. Olunye lwempondo lwalulude kulolunye kodwa muva lwakhula kakhulu.

UDanyeli 8:3 Mawu Ofanana

1 ImiLando 21:16

UDavida waphakamisa amehlo akhe, wabona isithunywa seNkosi simi phezulu emoyeni siphethe umhedla, siwelulele phezu kweJerusalema. UDavida labadala bathi mbo ngobuso phansi begqoke izambatho zokulila.

U-Ezra 1:2

Nanti ilizwi likaKurosi inkosi yasePerisiya, lithi: INkosi, uNkulunkulu ophezulu, enginikileyo yonke imibuso yomhlaba, ingilayile ukuyakhela indlu eJerusalema koJuda.

U-Ezra 4:5

bayenga izikhulu ukufilisa icebo labo kuzo zonke insuku zokubusa kukaKurosi inkosi yasePerisiya, kwaze kwaba sensukwini zikaDariyu inkosi yasePerisiya.

U-Esta 1:3

ngomnyaka wesithathu wokubusa kwakhe wenzela izikhulu zakhe lenceku zakhe zonke idili. Lapho induna zempi yakhe yasePerisiya laseMede, leziphathamandla zakhe, lababusi bamazwe, sebebuthene phambi kwakhe,

U-Isaya 13:17

Khangela, ngibavusela amaMede angakhathaleli isiliva, angathokozi langegolide.

U-Isaya 21:2

Ngiboniswe umbono olukhuni; umphangi uyaphanga, lomchithi uyachitha. Suka wena Elamu; uvimbezele, lawe Mede; konke ukuhlupheka okwalethwa yiBabiloni uNkulunkulu uzakukuqeda.

U-Isaya 44:28

lotshoyo ngoKurosi ukuthi: Yena ungumalusi wami, uzaphelelisa lonke icebo lami; ukuze lakhiwe futhi iJerusalema, kubekwe lezisekelo zethempeli.

UJeremiya 51:11

Lolani imitshoko, lithathe izihlangu. INkosi ivusile umoya wamakhosi amaMede, ngoba ilecebo lokulichitha iBabiloni, ngoba lokho kuyimpindiselo yeNkosi, impindiselo yethempeli layo.

UDanyeli 10:5

ngaphakamisa amehlo ami, ngabona umuntu egqoke ilembu elihle, ebophe ngebhanti legolide laseOfiri okhalweni lwakhe.

UDanyeli 2:39

Emva kwakho kuzavela omunye umbuso omncinyane kulowakho, kuvele lomunye owesithathu owethusi ozabusa umhlaba wonke.

UDanyeli 5:31

UDariyu umMede wathatha umbuso eleminyaka engamatshumi ayisithupha lambili.

UDanyeli 6:28

Ngakhoke uDaniyeli waphumelela esikhathini sonke sokubusa kukaDariyu lesokubusa kukaKurosi umPerisiya.

UDanyeli 7:5

Isilo sesibili sasifana lebhere. Sasiquthile silembambo ezintathu emlonyeni waso phakathi kwamazinyo aso. Kwathiwa kuso: Vuka, udle inyama enengi.

UDanyeli 8:2

Ngabona embonweni kungathi ngiseSusa emzini omkhulu welizwe laseElamu; ngabonake embonweni kungathi ngisemfuleni iUlayi.

UDanyeli 8:20

Mayelana lenqama oyibonileyo ilempondo ezimbili, zona zingamakhosi aseMede lamaPerisiya.

UZakhariya 1:18

Ngaphakamisa amehlo ami, ngabona impondo ezine.

UZakhariya 2:1

Ngaphakamisa amehlo ami, ngabona umuntu ephethe intambo yokulinganisa.

UZakhariya 5:1

Ngabuya ngaphakamisa amehlo ami, ngabona umqulu wencwadi ondizayo.

UZakhariya 5:5

Sasesisondela isithunywa esasikhuluma lami, sathi kimi: Phakamisa amehlo akho, ubone ukuthi kuyini lokhu okuvelayo.

UZakhariya 5:9

Ngasengiphakamisa amehlo ami, ngabona abesifazana ababili besiza, belezimpiko ezifana lezengabuzane. Babephapha emoyeni, bayiphakamisela phezulu ifatshi.

UZakhariya 6:1

Ngabuya ngaphakamisa amehlo ami, ngabona inqola zokulwa ezine ziphuma phakathi kwentaba ezimbili ezazingezethusi.

AmaNani 24:2

wabona uIsrayeli ehlezi ngezizwe zakhe. Umoya kaNkulunkulu wehlela phezu kwakhe,

UJoshuwa 5:13

Kwathi uJoshuwa engaseJeriko, wakhangela wabona umuntu emi phambi kwakhe ephethe umhedla wakhe. UJoshuwa waya kuye wathi: Ungakithi yini, kumbe ungasezitheni zethu na?

Isambulo 13:11

Ngasengibona esinye isilo siphuma emhlabeni, silempondo ezimbili ezinjengezewundlu, sakhuluma njengomgobho.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.