UDanyeli 8:17 - iBhayibhili Elingcwele 1978

¹⁷ UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

IBhayibhili Elingcwele LesiNdebele

¹⁷ Wathi esondela engangimi khona, ngezwa ngisesaba, ngawa ngithe thwitshi. Wathi kimi, “Ndodana yomuntu, qedisisa ukuthi umbono umayelana lesikhathi sokucina.”

UDanyeli 8:17 Mawu Ofanana

UGenesisi 17:3

UAbrama wawa ngobuso, uNkulunkulu wakhuluma laye,

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

UHezekhiyeli 2:1

Lathi kimi: Ndoda, sukuma ume ngenyawo, ngizakhuluma kuwe.

UHezekhiyeli 44:4

Wasengihambisa ngendlela yangasesangweni elingasenyakatho, wangiletha ngaphambi kwethempeli. Ngakhangela ngabona inkazimulo yeNkosi igcwalise ithempeli leNkosi, ngathi mbo ngobuso.

UHezekhiyeli 6:2

Ndoda, khangela ngasezintabeni zakoIsrayeli, utshumayele ngazo,

UDanyeli 10:11

Wathi kimi: Daniyeli, wena muntu othandekayo kakhulu, zwana lamazwi engiwakhuluma kuwe; sukuma ume, ngoba sengithunywe kuwe. Kwathi ekhuluma lelilizwi kimi, ngasukuma ngithuthumela.

UDanyeli 10:16

Kwathi okunye okufanana lomuntu kwathinta umlomo wami; ngavula umlomo wami, ngakhuluma. Ngathi kulowo omi phambi kwami: Nkosi yami, ngenxa yombono ngifikelwe yibuhlungu, kangiselawo amandla.

UDanyeli 11:27

Amakhosi amabili esidla ndawonye azakwenza amacebo, akhohlisane, kodwa kungawasizi. Kodwa ukuphela kuzafika ngesikhathi esimisiweyo.

UDanyeli 11:40

Ngesikhathi sokuphela inkosi yaseningizimu izakuyihlasela; kodwa inkosi yasenyakatho izayisukela njengesivunguzane ilezinqota zokulwa, labagadi bamabhiza, lemikolo eminengi, ihlasele amazwe, ikhukhule, idlule.

UDanyeli 12:13

Hambake kuze kube sekupheleni; usuphumule, uzavuka ukuba uzuze okufaneleyo ekupheleni kwesikhathi.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UDanyeli 2:46

Inkosi uNebukadineza yasisithi mbo ngobuso phansi, yakhuleka kuDaniyeli, yalaya ukuba kunikelwe kuye umnikelo lempepha.

UDanyeli 7:16

Ngasondela komunye walabo abemi lapho, ngambuza iqiniso ngakho konke lokhu. Wasengitshela, wangibonisa incazelo yalezozinto.

UDanyeli 8:15

Kwathi sengiwubonile umbono, mina Daniyeli, ngazama ukuwuqedisisa. Kwasekusima phambi kwami othile olesimo somuntu.

UDanyeli 8:19

Wathi: Ngizakukutshela okuzakwenzakala ekupheleni kwentukuthelo, ngoba lokho kungokwesikhathi sokucina.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

UDanyeli 9:23

Ekuqaliseni kokuncenga kwakho kwaphuma ilizwi, ngize ukukutshela lona, ngoba uyathandeka kakhulu. Ngakhoke lilalele ilizwi, uqedisise umbono.

UDanyeli 9:27

Umbusi uzakwenza isivumelwano esiqinileyo labanengi okweminyaka eyisikhombisa, kuthi phakathi kwayo ayivale imihlatshelo leminikelo; phakathi kwalokho ukuchitheka kufike umchithi, kuthi ekucineni kufike lokho okumisiweyo mayelana lomchithi.

UHabhakhukhi 2:3

Ngoba umbono ungowesikhathi sawo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzakufika impela, kawuyikuphuza.

UMatewu 17:8

Sebephakamisile amehlo abo kababonanga muntu, kuphela uJesu yedwa.

Isambulo 1:17

Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

Isambulo 22:8

Mina Johane nginguye owazizwayo lowazibonayo lezizinto. Kuthe sengizizwile, ngazibona, ngaziwisela phansi ukuba ngikhuleke ngasenyaweni zesithunywa esangitshengisa zona.