UDanyeli 7:5 - iBhayibhili Elingcwele 1978

⁵ Isilo sesibili sasifana lebhere. Sasiquthile silembambo ezintathu emlonyeni waso phakathi kwamazinyo aso. Kwathiwa kuso: Vuka, udle inyama enengi.

IBhayibhili Elingcwele LesiNdebele

⁵ Khonapho phambi kwami kwakujame isilo sesibili esasifana lebhele. Sasiphakanyisiwe kwelinye icele laso, njalo emlonyeni waso sasilezimbambo ezintathu emazinyweni aso. Satshelwa kwathiwa, ‘Sukuma udle inyama usuthe!’

UDanyeli 7:5 Mawu Ofanana

2 AmaKhosi 2:24

Wanyemukula, wathi ukuba ababone wabaqalekisa ngebizo leNkosi. Kwaphuma ehlathini amabhere amabili amasikazi, abulala abangamatshumi amane lambili kulabo abafanyana.

Izaga 17:12

Kungcono ukuhlangana lebhere elithathelwe imidlwane yalo, kulesithutha ebuthutheni baso.

U-Isaya 56:9

Lina lonke zilo zeganga, lani lonke zilo zehlathi, wozani lidle.

UDanyeli 11:2

Khathesi ngizakukutshela. Kusezakuvela amakhosi amathathu ePerisiya; eyesine izanotha ukwedlula wonke. Kuthi lapho isiqinile ngenxa yenotho yayo, izimisele ukulwa lombuso wamaGriki.

UDanyeli 2:39

Emva kwakho kuzavela omunye umbuso omncinyane kulowakho, kuvele lomunye owesithathu owethusi ozabusa umhlaba wonke.

UDanyeli 5:28

Parisini, kutsho ukuthi umbuso wakho wahlukanisiwe, wanikwa amaMede lamaPerisiya.

UDanyeli 7:4

Esokuqala sasifana lesilwane, silempiko zenkozi. Kwathi lapho ngisakhangele, impiko zaso zephulwa, saphakanyiswa emhlabathini, samiswa ngenyawo ezimbili njengomuntu, sanikwa ingqondo yomuntu.

UDanyeli 7:6

Emva kwalokho ngakhangela, ngabona esinye esifana lengwe, silempiko ezine zenyoni emhlana waso, silamakhanda amane, sanikwa amandla okubusa.

UHosiya 13:8

ngikudumele njengebhere elithathelwe imidlwane yalo, ngidabule isifuba sakho, ngikudlele lapho njengesilwane, ngikudabudabule njengesilo.

Isambulo 13:2

Isilo engasibonayo sasinjengengwe, inyawo zaso zazinjengezebhere, lomlomo waso unjengowesilwane. Umgobho wasinika amandla awo lesihlalo sawo sobukhosi lokubusa okukhulu.