UDanyeli 7:28 - iBhayibhili Elingcwele 1978

²⁸ Iphelela lapha indaba. Mina Daniyeli, imicabango yami yangethusa kakhulu, kwaphenduka lebala lami. Ngakugcina kwaba yimfihlo.

IBhayibhili Elingcwele LesiNdebele

²⁸ “Lokhu yikho ukuphela kwendaba. Mina Danyeli ngakhathazeka kakhulu ngemicabango yami, ubuso bami bahloba, kodwa indaba le yaba yimfihlo yami.”

UDanyeli 7:28 Mawu Ofanana

UGenesisi 37:10

Wabalandisela lona oyise labafowabo. Uyise wamsola wathi kuye: Liyini leliphupho oliphuphileyo na? Mina lonyoko labafowenu sizakhothamela emhlabathini phambi kwakho na?

UGenesisi 37:11

Abafowabo baba lomona ngaye, kodwa uyise wawagcina amazwi akhe enhliziyweni yakhe.

UDanyeli 10:16

Kwathi okunye okufanana lomuntu kwathinta umlomo wami; ngavula umlomo wami, ngakhuluma. Ngathi kulowo omi phambi kwami: Nkosi yami, ngenxa yombono ngifikelwe yibuhlungu, kangiselawo amandla.

UDanyeli 10:8

Ngakhoke ngasengisala ngedwa, ngawubona lumbono omkhulu, ngaphelelwa ngamandla, ubuso bami baguquka kubi.

UDanyeli 11:27

Amakhosi amabili esidla ndawonye azakwenza amacebo, akhohlisane, kodwa kungawasizi. Kodwa ukuphela kuzafika ngesikhathi esimisiweyo.

UDanyeli 12:13

Hambake kuze kube sekupheleni; usuphumule, uzavuka ukuba uzuze okufaneleyo ekupheleni kwesikhathi.

UDanyeli 12:9

Wathi: Hamba kuhle, Daniyeli, ngoba amazwi avaliwe, ananyekwa kuze kube yisikhathi sokuphela.

UDanyeli 4:16

Kasayikuba lengqondo yomuntu, uzakuba lengqondo yenyamazana iminyaka eyisikhombisa.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 5:6

Yasiphenduka ibala layo, lemicabango yayo yayethusa, kwaxega izitho zayo, kwatshayana amadolo ayo.

UDanyeli 7:15

Mina Daniyeli, umoya wami wakhathazeka, lemibono yengqondo yami yangethusa.

UDanyeli 8:1

Ngomnyaka wesithathu wokubusa kwenkosi uBelishazari kwabonakala umbono kimi mina Daniyeli, emva kwalowo owabonakala kimi kuqala.

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

UDanyeli 8:19

Wathi: Ngizakukutshela okuzakwenzakala ekupheleni kwentukuthelo, ngoba lokho kungokwesikhathi sokucina.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

UMakho 9:15

Lathi ukumbona ixuku lonke laselimangala lagijimela kuye, lambingelela.

ULukha 2:19

Kodwa uMariya walondoloza zonke lezizinto enakana ngazo enhliziyweni yakhe.

ULukha 2:51

Wehla labo, weza eNazaretha, wabalalela; lonina walondoloza zonke lezizinto enhliziyweni yakhe.

ULukha 9:44

Lamazwi kawangene azike endlebeni zenu, ukuthi iNdodana yomuntu izakunikelwa ezandleni zabantu.