UDanyeli 7:25 - iBhayibhili Elingcwele 1978

²⁵ Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

IBhayibhili Elingcwele LesiNdebele

²⁵ Izakhuluma okubi ngoPhezukonke incindezele abangcwele bakhe izame ukuguqula izikhathi ezimisiweyo kanye lemithetho. Abangcwele bazanikelwa kuyo okwesikhathi esithile, izikhathi ezilengxenye yesikhathi.

UDanyeli 7:25 Mawu Ofanana

U-Isaya 37:23

Ngubani omklolodeleyo wamthuka na? Uphakamisele bani ilizwi lakho na? Ukhangele bani ngokuzikhukhumeza na? NgoNgcwele kaIsrayeli.

UDanyeli 11:28

Uzabuyela elizweni lakhe elempahla enengi, kodwa inhliziyo yakhe imelane lesivumelwano esingcwele, enze akufunayo, abesebuyela elizweni lakhe.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UDanyeli 2:21

Uyaphendula izikhathi lezibanga, uyakhupha amakhosi, abeke amakhosi, anike abahlakaniphileyo ukuhlakanipha, lokwazi kulabo abalokuqedisisa.

UDanyeli 3:26

UNebukadineza wasesondela emnyango wesithando somlilo ovuthayo, wathi: Shadraki loMeshaki loAbedinego, lina zinceku zikaNkulunkulu oPhezukonke, phumani, lize lapha. Basebephuma emlilweni oShadraki loMeshaki loAbedinego.

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 4:2

Kube kuhle kimi ukutshengisa izibonakaliso lezimangaliso uNkulunkulu oPhezukonke angenzele zona.

UDanyeli 4:25

sokuthi uzaxotshwa ebantwini, uhlale lenyamazana zeganga. Uzakudla utshani njengenkomo, uthanjiswe ngamazolo aphezulu okweminyaka eyisikhombisa, uze wazi ukuthi oPhezukonke uyabusa umbuso wabantu, awunike lowo athanda ukumnika.

UDanyeli 4:32

uzaxotshwa ebantwini, uhlale lenyamazana zeganga, udle utshani njengenkomo okweminyaka eyisikhombisa ukuba wazi ukuthi oPhezukonke uyabusa umbuso wabantu, awunike lowo athanda ukumnika.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:20

Futhi ngathanda ukwazi langempondo ezilitshumi ezazisekhanda laso, langolunye uphondo okwathi ekuphumeni kwalo zawa ezintathu, uphondo olwalulamehlo lomlomo owakhuluma amazwi okuzincoma, olwakhanya lulukhulu kulezinye.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

UDanyeli 8:11

Lwazikhukhumeza lwaze lwalingana leNkosi yezinkanyezi. Lwamisa iminikelo yayo etshiswa insuku zonke, lwadiliza indlu yayo engcwele,

UDanyeli 8:14

Sathi kuso: Kuzaze kube yizikhathi zokuhlwa lezokusa eziyizinkulungwane ezimbili lamakhulu amathathu zokunikelwa kweminikelo; besekulungiswa indawo engcwele.

UDanyeli 8:9

Kolunye lwazo kwaphuma uphondo oluncinyane, lwakhula kakhulu, lwatshengisa amandla ayo ngasenginizimu langasempumalanga langaselizweni elihle.

UDanyeli 9:27

Umbusi uzakwenza isivumelwano esiqinileyo labanengi okweminyaka eyisikhombisa, kuthi phakathi kwayo ayivale imihlatshelo leminikelo; phakathi kwalokho ukuchitheka kufike umchithi, kuthi ekucineni kufike lokho okumisiweyo mayelana lomchithi.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

2 AbaseThesalonika 2:3

Kakungabi khona umuntu olikhohlisayo langayiphi indlela; ngoba kaluyikufika lolosuku, kungakaveli ukuvukela uNkulunkulu kuqala, kwambulwe oMubi, indodana yokulahlwa,

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

Isambulo 12:14

Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.

Isambulo 12:6

lowesifazana wabalekela enkangala, lapho okwakulendawo ayeyilungiselwe nguNkulunkulu, ukuba ondliwe khona insuku eziyinkulungwane lamakhulu amabili lamatshumi ayisithupha.

Isambulo 14:12

Nanti ithuba lokubekezela kwabangcwele, labo abagcina imilayo kaNkulunkulu lokukholwa kuJesu.

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Isambulo 18:24

Futhi kwafunyanwa phakathi kwakho igazi labaprofethi lelabangcwele lelabo bonke ababebulewe emhlabeni.