UDanyeli 7:20 - iBhayibhili Elingcwele 1978

²⁰ Futhi ngathanda ukwazi langempondo ezilitshumi ezazisekhanda laso, langolunye uphondo okwathi ekuphumeni kwalo zawa ezintathu, uphondo olwalulamehlo lomlomo owakhuluma amazwi okuzincoma, olwakhanya lulukhulu kulezinye.

IBhayibhili Elingcwele LesiNdebele

²⁰ Ngafuna njalo ukwazi ngempondo ezilitshumi ekhanda laso langalolo olunye uphondo olwamilayo, okwathi ezinye ezintathu zawa phambi kwalo lolophondo olwabonakala kakhulu kulezinye, olwalulamehlo kanye lomlomo owawukhuluma ngokukloloda.

UDanyeli 7:20 Mawu Ofanana

UDanyeli 7:11

Ngasengikhangela ngenxa yomsindo wamazwi okuzincoma ayekhulunywa luphondo. Ngisakhangele, isilo sabulawa, lomzimba waso wachithwa, wanikelwa ukutshiswa ngomlilo.

UDanyeli 7:19

Ngasengithanda ukwazi iqiniso mayelana lesilo sesine esasehlukile kwezinye zonke, sisesabeka kakhulu, silamazinyo ensimbi lenzipho zethusi, esadla safohloza, sahlifiza okuseleyo ngenyawo zaso.

UDanyeli 7:21

Ngisakhangele, loluphondo lwalwa labangcwele, lwabanqoba,

UDanyeli 7:23

Wangiphendula wathi: Isilo sesine sizakuba ngumbuso wesine emhlabeni, ozakwehluka kuyo yonke imibuso; uzachitha wonke umhlaba, uwuhlifize, uwufohloze.

UDanyeli 7:7

Emva kwalokho ngabona emibonweni ebusuku isilo sesine, esesabekayo kakhulu, silamandla amakhulu, silamazinyo amakhulu ensimbi, sadla safohloza, lokuseleyo sakuhlifiza ngenyawo. Sasehlukile kuzo zonke izilo ezazingaphambi kwaso, silempondo ezilitshumi.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

Isambulo 12:3

Kwabonakala esinye isibonakaliso ezulwini; kwaba khona umgobho omkhulu obomvu, olamakhanda ayisikhombisa lempondo ezilitshumi, lemiqhele eyisikhombisa isemakhanda awo;